Last updated on May 2nd, 2026 at 09:26 am
ಕುಡ್ಲ, ಮೇ. 02: ಉಸಾರ್ದಾಂತಿನೆಕ್ ಮರ್ದ್ ಮಲ್ತ್ದ್ ಆಸ್ಪತ್ರೆರ್ದ್ ಡಿಸ್ಜಾರ್ಜ್ ಆತಿನ ಕೈದಿ ಒರಿ ಗುದದ್ವಾರೊಡು ಮೊಬೈಲ್ ದೆಂಗದ್ ದೀದ್ ಜೈಲ್ಗ್ ಪೊಗ್ಗುನಗ ತಿಕ್ಕ್ದ್ ಬೂರ್ದಿನ ನಡಕೆ ಕುಡ್ಲಡ್ ನಡತ್ದ್ಂಡ್.
ಎ.24 ತಿನಿ ಮುಹಮ್ಮದ್ ತೋಹಿದ್ ಪನ್ಪಿ ಕೈದಿನ್ ಮರ್ದ್ಗ್ ಕುಡ್ಲದ ವೆನ್ಲಾಕ್ ಆಸ್ಪತ್ರೆಗ್ ಅಡ್ಮಿಟ್ ಮಲ್ತಿತ್ತೆರ್. ಎ.29 ದಾನಿ ಆಸ್ಪತ್ರೆರ್ದ್ ತೋಹಿದ್ ಡಿಸ್ಜಾರ್ಜ್ ಆದಿತ್ತ್ದ್, ಬಯ್ಯ 5:15 ತ ಅಂದಾಜಿಗ್ ಕೊಡಿಯಾಲ್ಬೈಲ್ದ ಜಿಲ್ಲಾ ಕರ್ಪಿಲ್ಲ್ಗ್ ಲೆತಬತ್ತಿತ್ತೆರ್. ಕರ್ಪಿಲ್ಲ್ ಪೊಗ್ಗುನ ಪೊರ್ತುಡು ಕರ್ತವ್ಯಡ್ ಇತ್ತಿನ ಕೆಎಸ್ ಐಎಸ್ಎಫ್ ಸಿಬ್ಬಂದಿ ಡಿಟೆಕ್ಟರ್ಡ್ ಚೆಕಪ್ ಮಲ್ಪುನಗ ಗುದದ್ವಾರೊದ ಕೈತಲ್ ಶಬ್ದ ಕೇನ್ದ್ ಬೈದ್ಂಡ್. ವಿಚಾರಿಪುನಗ ಮೊಬೈಲ್ ದೆಂಗದ್ ದೀವೊಂದಿನೆನ್ ಕೈದಿ ತೋಹಿದ್ ಒತ್ತೊಂದೆ ಪನ್ದ್ ಪೊಲೀಸೆರ್ ತೆರಿಪಾದೆರ್.
ಕೈದಿನ್ ಕುಡ ಆಸ್ಪತ್ರೆಗ್ ದಾಕಲ್ತ್ದಿತ್ತ್ದ್, ಡಾಕ್ಟರ್ನಕುಲು ಕೀ ಪ್ಯಾಡ್ ಮೊಬೈಲ್ನ್ ಪಿದಯಿ ದೆತ್ತ್ದೆರ್ ಪನ್ದ್ ಪ್ರಕರಣ ದಾಕಲ್ತೊಂದಿನ ಬರ್ಕೆ ಪೊಲೀಸೆರ್ ತೆರಿಪಾದೆರ್.