Last updated on May 5th, 2026 at 12:51 pm
ಬೆದ್ರ, ಮೇ 05: ಶಾರ್ಜಾ-ದುಬೈ ಗಡಿಟ್ ಇಪ್ಪುನ ಅನ್ಸಾರ್ ಮಾಲ್ದ ಕೈತಲ್ ಐತಾರ ರಾತ್ರೆ ನಡತಿನ ಕಾರ್ ಎಡ್ತೆಡ್ ಬೆದ್ರಗ್ ಕೈತಲ್ದ ಶಿರ್ತಾಡಿ ಮೂಲೊದ ಐನ್ ವರ್ಸ ಪ್ರಾಯೊದ ಬಾಲೆ ಫಾತಿಮಾ ಅನಿಹಾ ತೀರ್ದಲ್. ಮೋಲು ಶಾರ್ಜಾಡ್ ಬೇಲೆಡಿತ್ತಿನ ಹಕೀಮ್ ಬೊಕ್ಕ ಆರೆನ ಇಲ್ಲದ ನಾಲ್ವೆರ್ ಜೋಕುಲೆಡ್ ಅಕೇರಿದಾಲ್.
ಐತಾರ ರಾತ್ರೆ ಇಲ್ಲದಕುಲು ಮಾತಾ ಶಾಪಿಂಗ್ ಮಲ್ತ್ದ್ ಪಿರ ಬರೊಂದಿತ್ತೆರ್. ಅನ್ಸಾರ್ ಮಾಲ್ದ ಕೈತಲ್ ಉಂತಾದಿತ್ತಿನ ಅಕ್ಲೆನ ಕಾರ್ದ ಉಲಯಿ ಕುಲ್ಲೆರೆ ತೂನಗ, ಪಿರವುರ್ದ್ ಬಾರೀ ಬೀಸಡ್ ಬತ್ತಿನ ಒಂಜಿ ಕಾರ್ ಮೊಕಲೆನ ಗಾಡಿಗ್ ಎಡ್ತ್ದ್ಂಡ್. ಎಡ್ತಿನ ಬರಸ್ಗ್ ಬಾಲೆ ಫಾತಿಮಾ ಅಲ್ಪನೇ ತೀರ್ದಲ್.