Last updated on May 11th, 2026 at 03:18 pm
ಬೋಲ್ತೇರ್, ಮೇ 11: ಬಂಜಿ ಬೇನೆಗ್ ಮರ್ದ್ಗ್ ಬೋಲ್ತೇರ್ ತಾಲ್ಲೂಕ್ ಸರ್ಕಾರಿ ಆಸ್ಪತ್ರೆಗ್ ದಾಕಲಾದಿತ್ತಿನ ರೋಗಿ ಒರಿ ಆಸ್ಪತ್ರೆದ ಆವರಣೊಡೇ ಕುಸ್ಕ್ದ್ ಬೂರ್ದ್ ತೀರ್ದಿನ ನಡಕೆ ಇನಿ ಸೋಮವಾರ ಕಾಂಡೆ ನಡತ್ದ್ಂಡ್.
ಪುದುಬೊಟ್ಟು ಗ್ರಾಮೊದ ಪೆಲತ್ತಾಜೆ ನಿವಾಸಿ ಅಚ್ಯುತ (42) ತೀರ್ದಿನಾರ್. ಬಾರೀ ಬಂಜಿ ಬೇನೆ ಇತ್ತಿನೆರ್ದಾವರ ಆರ್ ಮೇ 10ತಾನಿ ಮಧ್ಯಾಹ್ನ ಬೋಲ್ತೇರ್ ಸರ್ಕಾರಿ ಆಸ್ಪತ್ರೆಗ್ ದಾಕಲಾದಿತ್ತೆರ್. ಮೇ 11ತಾನಿ ಪುಲ್ಯ ಸುಮಾರ್ 5 ಗಂಟೆದ ಅಂದಾಜಿಗ್ ಅಚ್ಯುತೆರ್ ಆಸ್ಪತ್ರೆದ ವಾರ್ಡ್ರ್ದ್ ಏರೆಗ್ಲಾ ಪನಂದೆ ಪಿದಯಿ ಬತ್ತಿತ್ತೆರ್. ಆಸ್ಪತ್ರೆದ ಪಿರವು ಡಯಾಲಿಸಿಸ್ ಕೇಂದ್ರೊದ ಕೈತಲ್ ಪೋವೊಂದುಪ್ಪುನಗ ಆರ್ ಒರರ್ದ್ ಒರಾನೆ ಕುಸ್ಕ್ದ್ ಬೂರ್ದಿತ್ತ್ದ್, ಮರ್ದ್ ಪಲಿಪಂದೆ ತೀರ್ದೆರ್.
ತೀರ್ದಿನ ಅಚ್ಯುತೆರ್ ಬಾರೀ ಬಡಪತ್ತ್ಡ್ ಇತ್ತಿನಾರಾದಿತ್ತ್ದ್, ಇರ್ವೆರ್ ಎಲ್ಯ ಜೋಕುಲು ಬೊಕ್ಕ ಬೊಡೆದಿನ್ ಅಗತ್ದೆರ್. ಆರೆನ ಬೊಡೆದಿ ಕೂಲಿ ಬೇಲೆ ಮಲ್ತೊಂದಿತ್ತ್ದ್, ಮೇರ್ ಇಲ್ಲದ ಆಧಾರಸ್ತಂಭ ಆದಿತ್ತೆರ್.