Last updated on May 11th, 2026 at 11:43 am
ಬೋಲ್ತೇರ್, ಮೇ. 11: ತಾಲೂಕ್ದ ಕಸಬಾ ಗ್ರಾಮೊದ ಕೆಇಬಿ ಸಾದಿಡ್ ಇಪ್ಪುನ “ಪವನ್” ಪುದರ್ದ ಕ್ಯಾಂಟಿನ್ಡ್ ಅಕ್ರಮ ವೇಶ್ಯಾವಾಟಿಕೆ ನಡತೊಂದುಂಡು ಪನ್ಪಿ ಪತ್ತ ಒಲವಕ ಇತ್ತ್ದ್ ಬೋಲ್ತೇರ್ ಪೊಲೀಸೆರ್ ದಾಳಿ ಮಲ್ತ್ದ್ ಪ್ರಕರಣ ದಾಕಲ್ತೊಂದಿನ ನಡಕೆ ಕೋಡೆ, ಐತಾರ ಬಯ್ಯಡ್ ನಡತ್ದ್ಂಡ್.
ಕ್ಯಾಂಟಿನ್ ನಡಪಾವೊಂದಿತ್ತಿನ ಸುಂದರ್ ಶೆಟ್ಟಿ ಬೊಕ್ಕ ಆರೆನ ಗುರ್ತದ ಉಸ್ಮಾನ್ ಪನ್ಪಿನಾರ್ ಕೂಡೊಂದು ಅಕ್ರಮವಾದ್ ಕಾಸ್ ಮಲ್ಪುನ ಉದ್ದೇಶೊಡು ಕ್ಯಾಂಟಿನ್ದ ಉಲಮೆಯಿತ ಅದೆಟ್ ಪೊಂಜೊವುಲೆನ್ ಲೆಪುಡಾದ್ ವೇಶ್ಯಾವಾಟಿಕೆ ನಡಪಾವೊಂದಿತ್ತೆರ್ ಪನ್ಪಿ ಒಲವು ಬೋಲ್ತೇರ್ ಪೊಲೀಸ್ ಸ್ಟೇಶನ್ ತನಿಖಾ ಉಪನಿರೀಕ್ಷಕೆ ಸಿಕಂದರ್ ಪಾಷಾ ಮೆರೆಗ್ ತಿಕ್ಕ್ದಿತ್ತ್ಂಡ್.
ಒಲವುದ ಆಧಾರೊಡು ಪೊಲೀಸೆರ್ ಗುಪ್ತವಾದ್ ಪರಿಶೀಲನೆ ಮಲ್ಪುನಗ ಈ ಜಾಗೆಡ್ ಅಕ್ರಮ ವೇಶ್ಯಾವಾಟಿಕೆ ನಡತೊಂದುಪ್ಪುನ ದೃಢ ಆತ್ಂಡ್ ಪನ್ದ್ ತೆರಿದ್ ಬೈದ್ಂಡ್. ಅಂಚಾದ್ ಐತಾರ ಬಯ್ಯಡ್ ಬೋಲ್ತೇರ್ ವೃತ್ತ ನಿರೀಕ್ಷಕೆ ರವಿ ಬಿ.ಎಸ್ ಮೆರೆನ ಮುತಾಲಿಕೆಡ್ ಪೊಲೀಸ್ ಸಿಬ್ಬಂದಿಲೆನ ತಂಡ ಜಾಗೆಗ್ ದಾಳಿ ಮಲ್ದ್ಂಡ್.
ನಡಕೆಗ್ ಸಂಬಂಧಿತ್ದ್ ಬೋಲ್ತೇರ್ ಪೊಲೀಸ್ ಸ್ಟೇಶನ್ಡ್ ಅ.ಕ್ರ ನಂ: 48/2026 ದ ಅಡಿಟ್ ಐಟಿಪಿ ಕಾಯ್ದೆದ 3, 4, 5 ಬೊಕ್ಕ ಬಿ.ಎನ್.ಎಸ್ದ ಕಲಂ 143(2) ಅಡಿಟ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.