Last updated on May 17th, 2026 at 10:15 am
ಕುಡ್ಲ, ಮೇ 17: ಪೇಂಟೆದ ಕುಂಟಿಕಾನ ಕೈತಲ್ದ ಆಟೋಲೈನ್ಸ್ ಡೆಲಿವರಿ ಸಂಸ್ಥೆದ ಕಟ್ವಾನೊಡು ಲಿಫ್ಟ್ಡ್ ತಿಕೊಂದಿನ ಜವನೆ ಒರಿ ತೀರ್ದಿನ ನಡಕೆ ಶನಿವಾರ ನಡತ್ದ್ಂಡ್.
ತೀರ್ದಿನಾರೆನ್ ಬೋಲ್ತೇರ್ ತಾಲೂಕ್ದ ಬೆಳಾಲ್ ಗ್ರಾಮೊದ ಪೊಂಜಿಕರೆ ನಿವಾಸಿ ನಾಫಲ್ (28) ಪನ್ದ್ ಗುರ್ತ ಪತ್ತ್ದೆರ್. ಖಾಸಗಿ ಸಂಸ್ಥೆಡ್ ಬೇಲೆ ಮಲ್ತೊಂದಿತ್ತಿನ ನಾಫಲ್ ಮೇರ್ ಲಿಫ್ಟ್ಡ್ ಮಿತ್ತ ಮಾಲಿಗೆಗ್ ಪೋವೊಂದುಪ್ಪುನಗ ಲಿಫ್ಟ್ ನೆಲಮಾಲಿಗೆ ಬೊಕ್ಕ ಒಂಜನೇ ಮಾಲಿಗೆದ ನಡುತ ಭಾಗೊಡು ತಾಂತ್ರಿಕ ದೋಷೊರ್ದಾವರ ಉಂತುದುಂಡು ಪನ್ದ್ ತೆರಿದ್ ಬೈದ್ಂಡ್.
ಈ ಪೊರ್ತುಡು ಲಿಫ್ಟ್ದುಲಯಿ ತಿಕೊಂದಿನ ನಾಫಲ್ ಮೇರ್ ಪಿದಯಿ ಬರ್ಪುನ ಪುನೆಪುಡು ಮೋನೆಗ್ ಗಾತಿದ ಗಡಿಮಲ್ತೊಂದೆರ್ ಪನ್ದ್ ತೆರಿದ್ ಬೈದ್ಂಡ್. ಒಲವು ತೆರಿದ್ ಅಡೆ ಬತ್ತಿನ ಸಹೋದ್ಯೋಗಿಲು ರಕ್ಷಣೆ ಮಲ್ಪೆರ ತೂತೆರ್. ಲಿಫ್ಟ್ ಒಂಜನೇ ಮಾಲಿಗೆಡ್ ಅರ್ಧ ಭಾಗ ಮಾತ್ರ ತೋಜೊಂದಿತ್ತಿನೆರ್ದಾವರ ಬಾಕಿಲ್ನ್ ಬಲವಂತೊಡು ದೆತ್ತ್ದೆರ್.
ಸಹೋದ್ಯೋಗಿಲು ನಾಫಲ್ರೆನ ಕೈಪತ್ತ್ದ್ ಮಿತ್ತ್ ದೇರ್ಪುನ ಪೊರ್ತುಡು ಲಿಫ್ಟ್ ಒರರ್ದ್ ಒರಾನೆ ಮೂವ್ ಆದಿತ್ತ್ದ್, ಆರೆಗ್ ಗಾತಿದ ಗಡಿಕುಲಾತ. ಅಪಗನೇ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ಮರ್ದ್ ಪಲಿಪಂದೆ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ನಡಕೆದ ಬಗೆಟ್ ಉರ್ವ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಲಿಫ್ಟ್ ದೋಷ ಬೊಕ್ಕ ಸುರಕ್ಷತಾ ಗೋಸ್ಮರಿದ ಬಗೆಟ್ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.