Last updated on May 20th, 2026 at 09:09 am
ಕಾಪು ಮೇ 19: ಒಡಿಪು ಜಿಲ್ಲೆದ ಕಾಪು ತಾಲೂಕ್ದ ಪಣಿಯೂರ್ಡ್ ಅಂಗಾರೆ ಕಾಂಡೆ ನೀರ್ದ ಟ್ಯಾಂಕರ್ ಬೊಕ್ಕ ಸ್ಕೂಟರ್ದ ನಡುಟು ನಡತಿನ ಎಡ್ತೆಡ್ ಜವನೆ ಒರಿ ಅಲ್ಪನೇ ತೀರ್ದೆ. ಪಣಿಯೂರ್ ಸೆಂಟರ್ ನಿವಾಸಿ ಕೃಷ್ಣ ಮೂಲ್ಯ (22) ತೀರ್ದಿನ ಜವನೆ.
ಕೃಷ್ಣ ಮೂಲ್ಯೆರ್ ಅಂಗಾರೆ ಕಾಂಡೆ ಪಣಿಯೂರ್ ಪೇಂಟೆಗ್ ಬತ್ತ್ದ್ ಪೇರ್ ಗೆತೊಂದು ಪಿರ ಇಲ್ಲಗ್ ಸ್ಕೂಟರ್ಡ್ ಪೋನಗ ಈ ದುರಂತ ನಡತ್ದ್ಂಡ್. ಆರೆನ ಸ್ಕೂಟರ್ದ ಎದುರು ಪೋವೊಂದಿತ್ತಿನ ನೀರ್ದ ಟ್ಯಾಂಕರ್, ಕಂಚುಗರ ಸಾದಿಗ್ ತಿರ್ಗೆರೆ ಒರರ್ದ್ ಒರಾನೆ ಬಲತ್ತ್ಗ್ ಕ್ರಾಸ್ ಆತ್ಂಡ್. ಈ ಪೊರ್ತುಡು ಅಂಕೆ ತತ್ತ್ದ್ ಕೃಷ್ಣ ಮೂಲ್ಯೆರ್ನ ಸ್ಕೂಟರ್ ಟ್ಯಾಂಕರ್ಗ್ ಜೋರುಡು ಎಡ್ತ್ದ್ಂಡ್.
ಎಡ್ತೆದ ಬರಸ್ಗ್ ಕೃಷ್ಣ ಮೂಲ್ಯೆರ್ ಸಾದಿಗ್ ರಟ್ಟ್ದ್, ತರೆಕ್ ಗಾತಿದ ಗಡಿಕುಲಾದ್ ನೆತ್ತೆರ್ದ ಮಡುಟು ಬೂರ್ದಿತ್ತೆರ್. ಅಪಗನೇ ಅಲ್ಪದಕುಲು ಒಡಿಪು ಜಿಲ್ಲಾಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ, ಪರೀಕ್ಷೆ ಮಲ್ತಿನ ಡಾಕ್ಟರ್ ಜವನೆ ತೀರ್ದೆ ಪನ್ದ್ ಘೋಷಣೆ ಮಲ್ತ್ದೆರ್. ಪಡ್ಡೆದ್ರ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತಿತ್ತ್ದ್, ಪ್ರಕರಣ ದಾಕಲಾತ್ಂಡ್.