Last updated on May 20th, 2026 at 10:02 am
ಬೋಲ್ತೇರ್, ಮೇ. 20: ದೋಸ್ತಿಲೆನ ಒಟ್ಟುಗು ಸುದೆಟ್ ಮೀಂದ್ಯೆರ ಪೋದಿತ್ತಿನ ಇಂಜಿನಿಯರಿಂಗ್ ಆಣ್ ಒರಿ ಆಕಸ್ಮಿಕವಾದ್ ನೀರ್ಡ್ ಮುರ್ಕ್ದ್ ತೀರ್ದಿನ ನಡಕೆ ತಾಲೂಕ್ದ ಕಲ್ಮಂಜ ಗ್ರಾಮೊದ ಪಜಿರಡ್ಕ ದೇಲಂತಡೆದ ಕೈತಲ್ ನೇತ್ರಾವತಿ ಸುದೆಟ್ ಕೋಡೆ ಮೇ 19 ದಾನಿ ಬಯ್ಯಡ್ ನಡತ್ದ್ಂಡ್.
ಮೂಲತಃ ಬೆಳಗಾವಿ ಜಿಲ್ಲೆದ ಗೋಕಾಕ್ ನಿವಾಸಿ, ಉಜಿರೆದ ಪ್ರೈವೇಟ್ ಕಾಲೇಜ್ದ ಕಡೇತ ವರ್ಸೊದ ಇಂಜಿನಿಯರಿಂಗ್ ವಿದ್ಯಾರ್ಥಿ ಶ್ರೀಪೂರ್ಣೆ (21) ತೀರ್ದಿನ ಆಣ್.
ಮೇ 19 ದಾನಿ ಬಯ್ಯ 4 ಗಂಟೆದ ಅಂದಾಜಿಗ್ ಒಟ್ಟು ಏಳ್ ಜನ ವಿದ್ಯಾರ್ಥಿಲೆನ ಕೂಟ ಪಜಿರಡ್ಕದ ನೇತ್ರಾವತಿ ಸುದೆಕ್ ಮೀಂದ್ಯೆರ ಪೋದಿತ್ತ್ಂಡ್. ಈ ಪೊರ್ತುಡು ಮೀಂದೊಂದುಪ್ಪುನಗ ಶ್ರೀಪೂರ್ಣೆ ತತ್ತ್ದ್ ನೀರ್ದ ಗಂತ್ಡ್ ತಿಕೊಂದು ಮುರ್ಕುದೆರ್. ಇಂದೆನ್ ತೂದು ಪೋಡಿನ ದೋಸ್ತಿಯರ್ಲು ಅಪಗನೇ ಕೈತಲ್ದಕಲೆಗ್ ಒಲವು ಕೊರ್ತೆರ್.
ಜವನನ್ ನಾಡೆರ ಸ್ಥಳೀಯೆರ್, ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಬೊಕ್ಕ ಧರ್ಮಸ್ಥಳದ ‘ಶೌರ್ಯ’ ವಿಪತ್ತು ನಿರ್ವಹಣಾ ಕೂಟೊದ ಪದುಕೆರ್ ಒಟ್ಟುಗು ರಕ್ಷಣಾ ಕಾರ್ಯಾಚರಣೆ ಮಲ್ತ್ದೆರ್. ರಾತ್ರೆ 9.30ತ ಅಂದಾಜಿಗ್ ಸುದೆತ ಗಂತ್ಡ್ ಪುನ ತಿಕ್ಕ್ದ್ಂಡ್. ಜಾಗೆಗ್ ಧರ್ಮಸ್ಥಳ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತಿತ್ತ್ದ್, ಪ್ರಕರಣ ದಾಕಲ್ತೊಂದೆರ್.