Last updated on June 1st, 2026 at 10:48 am
ಅಹಮದಾಬಾದ್, ಜೂ. 01: ಬೆರಿಬೆರಿ ರಡ್ಡನೇ ಸರ್ತಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು(ಆರ್ಸಿಬಿ) ಐಪಿಎಲ್ ಚಾಂಪಿಯನ್ ಆತೆರ್.
ಐತಾರ ಅಹಮದಾಬಾದ್ದ ನರೇಂದ್ರ ಮೋದಿ ಕ್ರೀಡಾಂಗಣೊಡು ನಡತಿನ ಫೈನಲ್ ಗೊಬ್ಬುಡು ಗುಜರಾತ್ ಟೈಟಾನ್ಸ್ ನ್ 5 ವಿಕೆಟ್ಡ್ ಸೋಪಾದ್ಂಡ್. ಈ ಮುಕೇನ ಐಪಿಎಲ್ 2026 ದ ಚಾಂಪಿಯನ್ ಪಟ್ಟೊಡು ಆರ್ಸಿಬಿ ಕುಲ್ಲುದುಂಡು.
ಈ ಗೊಬ್ಬುಡು ಟಾಸ್ ಗೆಂದ್ದ್ ಆರ್ಸಿಬಿ ಸುರುಕು ಬೌಲಿಂಗ್ ಗೆತೊಂಡು. ಅಂಚಾದ್ ಸುರುಕು ಬ್ಯಾಟಿಂಗ್ ಮಲ್ತಿನ ಗುಜರಾತ್ 20 ಓವರ್ಡ್ 8 ವಿಕೆಟ್ ಕಲೆವೊಂದು 155 ರನ್ ಮಲ್ತ್ಂಡ್.
ಈ ಈಡ್ನ್ ಬೆರಿಪತ್ತಿನ ಆರ್ಸಿಬಿ ಕಾಲಿ 18 ಓವರ್ಡ್ 5 ವಿಕೆಟ್ ಕಲೆವೊಂದು 161 ರನ್ ಮಲ್ತ್ಂಡ್. ಈ ಮುಕೇನ ಆರ್ಸಿಬಿ ಕುಡೊರ ಚಾಂಪಿಯನ್ ಆತ್ಂಡ್.