Last updated on June 8th, 2026 at 10:08 am
ಉಬಾರ್, ಜೂ. 08: ಅಪ್ರಾಪ್ತ ಪ್ರಾಯೊದ ಪೊಣ್ಣಗ್ ಲೈಂಗಿಕ ಕಿರುಕುಳ ಕೊರ್ತಿನ ಆರೋಪಡ್ ತೀರ್ಥಾಕ್ಷೆ (23) ಪನ್ಪಿನ ಜವನನ ಮಿತ್ತ್ ಪೋಕ್ಸೋ ಬೊಕ್ಕ ದಲಿತ ದೌರ್ಜನ್ಯ ಪ್ರಕರಣ ಉಬಾರ್ ಪೊಲೀಸ್ ಸ್ಟೇಶನ್ಡ್ ದಾಕಲಾತ್ಂಡ್.
ಪ್ರಕರಣೊಗು ಸಂಬಂಧಿತ್ದ್ ಸಂತ್ರಸ್ತೆದಿನ ಅಪ್ಪೆ ಪೊಲೀಸೆರೆಡ ಒಯಿಲ್ ಬರೆಪಾದಿತ್ತ್ದ್, ಆರೆನ ಮಗಲ್ ಅಪಗಪಗ ನಡೀರ್ ಲಕ್ಕ್ದ್ ಪಿದಯಿ ಪೋಪುನೆನ್, ವಿಚಾರಿಪುನಗ ಮೆಯಿನೀರ್ ಮೈಪೆರೆ ಪನ್ದ್ ಪನೊಂದಿತ್ತಲ್. ಗಡೀ ಗಡಿ ಇಂಚ ಮಲ್ಪುನಗ ಸಂಶಯೊಡು ಆರ್ ಬೆರಿಯೆ ಪೋನಗ ಇಲ್ಲರ್ದ್ ಸುಮಾರ್ 500 ಮೀಟರ್ ದೂರೊಡು ಒರಿ ಜವನೆ ಬೊಕ್ಕ ಆರೆನ ಮಗಲ್ ಒಟ್ಟುಗು ಇಪ್ಪುನ ತೋಜಿದ್ ಬೈದ್ಂಡ್. ಈ ಬಗೆಟ್ ಮಗಲೆಡ ಕೇನ್ನಗ ನೇಮದಲ್ಪ ಗುರ್ತ ಆತಿನ ತೀರ್ಥಾಕ್ಷನ್ ಆಲ್ ಮೋಕೆ ಮಲ್ತೊಂದಿತ್ತ್ದ್, ಮೇ 24 ತಾನಿ ಇಲ್ಲದ ಪಿರವು ಬರ್ರೆ ಪನ್ಡ್ದ್ ಬಲವಂತೊಡು ದೈಹಿಕ ಸಂಪರ್ಕ ಮಲ್ತ್ದೆ ಪನ್ದ್ ಒಯಿಲ್ಡ್ ಬರೆಪಾದೆರ್.
ಈ ಒಯಿಲ್ದ ಪ್ರಕಾರ ಉಬಾರ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.