ಬಲಯ ಕಡಲಾ ಬರಿಕೊರಾ – ಕುವಿಕು ಕಣ್ವತೀರ್ಥ

Last updated on June 9th, 2026 at 01:09 pm

ಬಲಾ ಬಲಯಾ ಬಲಾ ಬಲಯಾ
ಬಲಯ ಕಡಲಾ ಬರಿಕೊರಾ…
ಕೋಡಿಯೆತ್ತಂದಿ ಕರೆತ ಬರಿತ
ಸೆರೆತ ನಲಿಕೆನ್ ತುಲೊರಾ…

ಬತ್ತ್ ಪೋಪುನ ಒಂಜಿ ಗಲಿಗೆಡ್
ಉಂಡು ಏತೊಂಜಿ ಅಬ್ಬರ…
ದರ್ತ್ ಮಗ್ಪುನ ಒಯ್ತ್ ಕೊನೊಪುನ
ಅರ್ಥದಾಂತಿನ ಅಬತರ….

ಏರಾ ಕೊರ್ತಿನ ಬಲತ ದೈರೊಡು
ಅವ್ಲು ಮೂಲು ಗೋಚರ…
ಜಿಡೆನೆ ಪೊಲಿನಗ ನಡೆನೆ ಮಲಿನಗ
ಮಾಜಿನಗ ಅಗೋಚರ….

ಬಂಜಿ ಬಡವುಗು ಗಂಜಿ ನಾಡುನ
ಮಂದೆಗಾಲಯ ಬಂಜರ….
ಬೊಲಿಕೆದುಂಡೆದ ಬಲಕೆ ತೂವೊಡು
ದೆಂಗ್ ತಪ್ಪಬಿ ಸಂಚರ….

ಬಲಾ ಬಲಯಾ ಬಲಾ ಬಲಯಾ
ಬಲಯ ಕಡಲಾ ಬರಿಕೊರಾ…
ಕೋಡಿಯೆತ್ತಂದಿ ಕರೆತ ಬರಿತ
ಸೆರೆತ ನಲಿಕೆನ್ ತುಲೊರಾ…
…………
ಕುವಿಕು ಕಣ್ವತೀರ್ಥ