Last updated on June 9th, 2026 at 02:39 pm
ಬಂಟ್ವಾಳ, ಜೂ. 09 : ಸಜಿಪಮೂಡ ಗ್ರಾಮೊದ ಕೊಳಕೆ-ಪಂಜಾಜೆ ಪನ್ಪಿನಲ್ಪ ನಡತ್ದ್ಂಡ್ ಪನ್ದ್ ಪನ್ಪುನ ಅಕ್ರಮ ಗೋಹತ್ಯೆ ಪ್ರಕರಣೊಗು ಸಂಬಂಧಿತ್ದ್, ಬಂಟ್ವಾಳ ನಗರ ಪೊಲೀಸೆರ್ ಆರೋಪಿನ ಇಲ್ಲ್ ಬೊಕ್ಕ ಕಿದೆನ್ ಜಪ್ತಿ ಮಲ್ತೊಂದೆರ್.
ಕರ್ನಾಟಕ ಗೋಹತ್ಯೆ ನಿಷೇಧ ಬೊಕ್ಕ ಕೈಕಂಜಿಲೆನ ಸಂರಕ್ಷಣಾ ಕಾಯ್ದೆ 2020ದ ಸೆಕ್ಷನ್ 4, 7 ಬೊಕ್ಕ 12ತ ಅಡಿಟ್ ಬಂಟ್ವಾಳ ನಗರ ಪೊಲೀಸ್ ಸ್ಟೇಶನ್ಡ್ ದಾಕಲಾತಿನ ಅಪರಾಧ ಸಂಖ್ಯೆ 68/2026ತ ಪ್ರಕರಣೊಗು ಸಂಬಂಧಿತ್ದ್ ಈ ಕ್ರಮ ಗೆತೊಂದೆರ್.
ಆರೋಪಿ ಮುಸ್ತಫಾ ಪನ್ಪಿನಾಯನ ಇಲ್ಲ್ ಬೊಕ್ಕ ಕಿದೆಟ್ ಈ ಕೃತ್ಯ ನಡತ್ದ್ಂಡ್ ಪನ್ದ್ ಆರೋಪ ಮಲ್ತಿತ್ತ್ದ್, ಪೊಲೀಸೆರ್ ಈ ಜಾಗೆನ್ ಜಪ್ತಿ ಮಲ್ತೊಂದೆರ್. ಕರ್ನಾಟಕ ಗೋಹತ್ಯೆ ನಿಷೇಧ ಬೊಕ್ಕ ಕೈಕಂಜಿಲೆನ ಸಂರಕ್ಷಣಾ ಕಾಯ್ದೆ 2020 ದ ಸೆಕ್ಷನ್ 8(1)ತ ಅಡಿಟ್ ಈ ಕಾನೂನು ಕ್ರಮ ಗೆತೊಂದೆರ್.
ಜಪ್ತಿ ಪ್ರಕ್ರಿಯೆರ್ದ್ ಬೊಕ್ಕ, ನನದ ಕಾನೂನು ಕ್ರಮೊಕು ಪೊಲೀಸೆರ್ ಕುಡ್ಲ ಉಪವಿಭಾಗೀಯ ದಂಡಾಧಿಕಾರಿಲೆಗ್ ವರದಿ ಸಂದಾದೆರ್.