Last updated on June 15th, 2026 at 12:25 pm
ಬೆಂಗಳೂರ್, ಜೂನ್ 15: ಬದಿತ ಪ್ರಕರಣೊಡು ಆರೋಪಿನ್ ಪತ್ತೆರೆ ಪೋದಿತ್ತಿನ ಬೆಂಗಳೂರ್ದ ಹೆಚ್ಎಎಲ್ ಪೊಲೀಸೆರ್ ಜೈಪುರಡ್ ಟ್ರ್ಯಾಪ್ ಆತಿನ ನಡಕೆ ನಡತ್ದ್ಂಡ್.
ಆರೋಪಿನ್ ಪತ್ತೆರೆ ಪೋದಿತ್ತಿನ ಪೊಲೀಸೆರ್, ಆಯಡ ಲಂಚ ಕೇನ್ದ್ ರಾಜಸ್ಥಾನೊದ ಎಸಿಬಿ ಅಧಿಕಾರಿಲೆಡ ಲಾಕ್ ಆತೆರ್.
ಪಿಎಸ್ಐ ಅನಿತಾ, ಹೆಡ್ ಕಾನ್ಸ್ಟೇಬಲ್ ಉಳುವಪ್ಪೆ, ಕಾನ್ಸ್ಟೇಬಲ್ ಯತೀಶ್ ಟ್ರ್ಯಾಪ್ ಆತಿನ ಪೊಲೀಸೆರ್.
ಬದಿತ ಪ್ರಕರಣೊದ ಜಡ್ತೆ ಮಲ್ತಿತ್ತಿನ ಪೊಲೀಸೆರ್ ಶುಕ್ರವಾರ ಆರೋಪಿನ್ ಪತ್ತೆರೆ ರಾಜಸ್ಥಾನೊದ ಜೈಪುರಗ್ ಪೋದಿತ್ತೆರ್. ಈ ಪೊರ್ತುಡು ತಿಕ್ಕಿನ ಆರೋಪಿಡ 2 ಲಕ್ಷ ಲಂಚ ಕೇನ್ದೆರ್. ಆಂಡ ಆರೋಪಿ ಸಾಧ್ಯ ಆಯಿನಾತ್ ಕಾಸ್ ಕೊರ್ಪೆ ಪನ್ದ್ ಪನ್ತೆ. ಜೈಪುರೊದ ಗಂಗೌರ್ದ ಹೋಟೆಲ್ ಒಂಜೆಟ್ 40,000 ರೂ. ಕಾಸ್ ಗೆತೊನುನಗ ಎಸಿಬಿ ಅಧಿಕಾರಿಲೆಡ ಲಾಕ್ ಆತೆರ್.
ಇತ್ತೆ ಹೆಚ್ಎಎಲ್ ಪೊಲೀಸೆರೆನೇ ಕೈದ್ ಮಲ್ದಿನ ಎಸಿಬಿ ಅಧಿಕಾರಿಲು ವಿಚಾರಣೆ ಮಲ್ತೊಂದುಲ್ಲೆರ್.