Last updated on June 18th, 2026 at 12:04 pm
ಇಟ್ಟೆಲ್, ಜೂ. 18: ಕನ್ಯಾನ ಗ್ರಾಮೊದ ಪಾದೆಕಲ್ಲ್ ಪೆರೋಡಿ ಸರವು ಗುಡ್ಡೆ ಪನ್ಪಿನಲ್ಪ ಇನಿ (ಗುರುವಾರ) ಕಾಂಡೆ ಸುಮಾರ್ 10 ಗಂಟೆದ ಅಂದಾಜಿಗ್ ನಡತಿನ ಭೀಕರ ನಡಕೆಡ್ ಟಿಪ್ಪರ್ ಲಾರಿದ ಡ್ರೈವರ್ ಅಲ್ಪನೇ ತೀರ್ದೆರ್.
ತೀರ್ದಿನಾರೆನ್ ಧರ್ಮಸ್ಥಳದ ಮಹೇಶ್ ಪನ್ದ್ ಗುರ್ತ ಪತ್ತ್ದೆರ್.
ಎಂಕ್ಲೆಗ್ ಬೈದಿನ ಒಲವುದ ಪ್ರಕಾರ ಟಿಪ್ಪರ್ ಲಾರಿಡ್ ತಾಂತ್ರಿಕ ದೋಷ ಇತ್ತ್ಂಡ್ಗೆ, ಅವೆನ್ ಸಮ ಮಲ್ಪೆರ ಡ್ರೈವರ್ ಮಹೇಶ್ ಲಾರಿದ ಅಡಿಟ್ ರಿಪೇರಿ ಬೇಲೆ ಮಲ್ತೊಂದಿತ್ತೆರ್ಗೆ. ಈ ಪೊರ್ತುಡು ಒರರ್ದ್ ಒರಾನೆ ಲಾರಿ ದುಂಬು ಪೋದಿತ್ತ್ದ್, ಮಹೇಶ್ ಲಾರಿದ ಟಯರ್ದ ಅಡಿಟ್ ತಿಕೊಂದು ಅಲ್ಪನೇ ತೀರ್ದೆರ್.
ನಡಕೆದ ಬಗೆಟ್ ತೆರಿನನೇ ಕೈತಲ್ ಇತ್ತಿನ ಕಾರ್ಮಿಕೆರ್ ಬೊಕ್ಕ ಕನ್ಯಾನದ ಸದ್ಗುರು ಅಂಬ್ಯುಲೆನ್ಸ್ ಸಿಬ್ಬಂದಿ ಬತ್ತ್ದ್, ಜಂಟಿ ಕಾರ್ಯಾಚರಣೆ ಮಲ್ತ್ದ್ ಲಾರಿದ ಅಡಿರ್ದ್ ಪುನನ್ ಪಿದಯಿ ದೆತ್ತ್ದೆರ್.
ಬೊಕ್ಕ ಮರಣೋತ್ತರ ಪರೀಕ್ಷೆಗ್ ಇಟ್ಟೆಲ್ದ ಸರಕಾರಿ ಆಸ್ಪತ್ರೆಗ್ ಕಡಪುಡ್ದೆರ್. ನಡಕೆದ ಬಗೆಟ್ ಎಚ್ಚಿಗೆ ಒಲವುಗು ಕಾತೊಂದುಲ್ಲ.