ಮೈಸೂರು ದಸರಾಡ್ ಕಡೀರ ಸರ್ತಿ ಕಂಬುಲ ನ್ ಸಾಂಸ್ಕೃತಿಕ ಕಾರ್ಯಕ್ರಮದ ಲೆಕ ಮಲ್ಪೆರ ಅಟ್ಟನೆ!!

Last updated on June 22nd, 2026 at 09:37 am

ಮೈಸೂರ್, ಜೂ. 22: ಮೈಸೂರ್ ದಸರಾ ಗ್ ಈ ಸರ್ತಿ ರಂಗ್ ದಿಂಜಾಯೆರ ಉಂದೇ ಕಡೀರ ಸರ್ತಿ ದಸರಾ ದ ಲೆಕ್ಕೊಡು ‘ಕಂಬಲ’ ಮಲ್ಪೆರ ನಿರ್ಧಾರ ಮಲ್ತ್‌ದೆರ್.

ದಸರಾದ ಮುಖ್ಯ ಕಾರ್ಯಕ್ರಮೊಲೆಗ್ ಸುಮಾರ್ ಮೂಜಿ ತಿಂಗೊಲುಗು ದುಂಬೇ ಈ ಕಂಬುಲ ಪಂತೊನು ಪೂರ್ವಭಾವಿ ಸಾಂಸ್ಕೃತಿಕ ಕಾರ್ಯಕ್ರಮದ ಲೆಕ ಮಲ್ಪುವೆರ್. ಈ ಬಗೆಟ್ ಮೈಸೂರ್ ಜಿಲ್ಲಾಧಿಕಾರಿ ಜಿ. ಲಕ್ಷ್ಮೀಕಾಂತ್ ರೆಡ್ಡಿ ಮೆರೆನ ಗುರ್ಕಾರ್ಮೆಡ್ ನಡತಿನ ಇನಯೊಡು, ಕಂಬುಲಗ್ ಕಮ್ಮಿಡ್ ಏಳ್ ಎಕ್ರೆದಾತ್ ಆಂಡಲಾ ಎಡ್ಡೆ ಜಾಗೆನ್ ಗುರ್ತ ಮಲ್ಪೆರ ಅಧಿಕಾರಿಲೆಗ್ ಸೂಚನೆ ಕೊರ್ತೆರ್.

ದಸರಾಗ್ ಬರ್ಪಿನ ಭಾರೀ ಮಲ್ಲಮಟ್ಟ್‌ದ ಜನೊನು ಲೆಕ್ಕೊಡು ದೀದ್, ಎರುಕ್ಲೆಗ್ ಕಿದೆ, ಪ್ರೇಕ್ಷಕೆರೆ ಗ್ಯಾಲರಿ ಬೊಕ್ಕ ಪಾರ್ಕಿಂಗ್‌ಗ್ ಬೋಡಾಯಿನಾತ್ ಜಾಗೆ ಎಪ್ಪುನ ಜಾಗೆನ್ ಅಜಪೆರೆ ಜಿಲ್ಲಾಧಿಕಾರಿ ತೆರಿಪಾದೆರ್. ಐಕ್ ಬೋಡಾದ್ ವಿಜಯನಗರೊದ ಸುರುತ ನಿಲವು, ನಾಲನೇ ನಿಲವು ಅತ್ತ್ಂಡ ಮೈಸೂರ್ ರಿಂಗ್ ರೋಡ್‌ದ ಸತ್ಯಾಗಲ್ಲ ಕೈತಲ್ದ ಜಾಗೆಲೆನ್ ಪರಿಶೀಲನೆ ಮಲ್ಪೆರ ಸೂಚನೆ ಕೊರ್ತೆರ್.


ಈ ಕಾರ್ಯಕ್ರಮೊದ ವ್ಯವಸ್ಥೆಲೆನ್ ತೂವೊನ್ರ ಮೈಸೂರು ಜಿಲ್ಲಾ ಪಂಚಾಯತ್ ಸಿಇಒ ಯುಕೆಶ್ ಕುಮಾರ್ ಮೆರೆನ್ ನೋಡಲ್ ಅಧಿಕಾರಿ ಆದ್ ನೇಮಕ ಮಲ್ದೆರ್.

ಇನಯೊಡು ಜಿಲ್ಲಾ ಪಂಚಾಯತ್ ಸಿಇಒ ಯುಕೆಶ್ ಕುಮಾರ್, ಪೊಲೀಸ್ ವರಿಷ್ಠಾಧಿಕಾರಿ ಮಲ್ಲಿಕಾರ್ಜುನ ಬಾಲದಂಡಿ, ಕರ್ನಾಟಕ ರಾಜ್ಯ ಕಂಬುಲ ಸಮಿತಿದ ಪ್ರಧಾನ ಕಾರ್ಯದರ್ಶಿ ವಿಜಯ್ ಕುಮಾರ್, ಬೆಂಗಳೂರು ಕಂಬುಲ ಸಮಿತಿಯ ಕಾರ್ಯಾಧ್ಯಕ್ಷೆ ಮುರಳೀಧರ್ ರೈ, ಜಯಸೂರ್ಯ ರೈ ಸೇರ್ದ್ ಪಾಕ ಜನ ಪ್ರಮುಖೆರ್ ಒತ್ತುಪಾಲ್ ಇತ್ತೆರ್.