Last updated on June 23rd, 2026 at 12:23 pm
ಮಂಡ್ಯ: ಪರ್ತಿನ ಅಮಲ್ಡ್ ಪಾತೆರೊಗು ಪಾತೆರ ಬುಲೆದ್ ದೋಸ್ತಿನೇ ಬಿಯರ್ ಬಾಟ್ಲಿಡ್ ಕುತ್ತುದ್ ಕೆರ್ತಿನ ನಡಪು ಸೋಮವಾರ ರಾತ್ರೆ ಮಂಡ್ಯದ ಹಲಗೂರ್ಡ್ ನಡತ್ದ್ಂಡ್.
ಹಲಗೂರು ಕೈತಲ್ದ ಎಚ್.ಬಸಾಪುರ ಗ್ರಾಮೊದ ಮಂಜು ಕಾಶಿ (33) ತೀರ್ದಿನ ಜವನೆ.
ಸೋಮವಾರ ರಾತ್ರೆ ಒಂಜಿ ಬಾರ್ಡ್ ಒಟ್ಟುಗೇ ಕುಲೊಂದು ಪರೊಂದಿತ್ತಿನ ಮೂವೆರ್ ದೋಸ್ತಿಯರ್ಲು ಬಾರ್ದ ಬಾಕಿಲ್ ಪಾಡಿ ಬೊಕ್ಕ ರಾಷ್ಟ್ರೀಯ ಪೆರ್ಸಾದಿ ಬೈಪಾಸ್ದ ಬರಿಟ್ ಇಪ್ಪುನ ಸಂಕೊದ ಬರಿತ ಖಾಲಿ ಜಾಗೆಗ್ ಪೋತೆರ್. ರಾತ್ರೆ 11 ಗಂಟೆದ ಅಂದಾಜಿಗ್ ಮೂವೆರ್ ಪಾತೆರೊಂದು ಕುಲ್ಲುದುಪ್ಪುನಗ ಮೊಕಲೆನ ನಡುಟು ಪಾತೆರೊಗು ಪಾತೆರ ಬುಲೆದಿತ್ತ್ದ್, ಪಿಸ್ರ್ಡ್ ಸಿದ್ದರಾಜು ಬೊಕ್ಕ ಸಿದ್ದರಾಜು ಇರ್ವೆರ್ ಕೂಡೊಂದು ಮಂಜುಕಾಶಿನ ಬಂಜಿಗ್ ಬಿಯರ್ ಬಾಟ್ಲಿಡ್ ಕುತ್ತುದೆರ್. ಮಂಜುಕಾಶಿ ಅಲ್ಪನೇ ತೀರ್ದಿತ್ತ್ದ್, ಆರೋಪಿಲಾಯಿನ ಸಿದ್ದರಾಜು ಬೊಕ್ಕ ಸಿದ್ದರಾಜು ನ್ ಪೊಲೀಸೆರ್ ಉಲಕೈ ಮಲ್ತೊಂದೆರ್.
ವಿಷಯ ತೆರಿದ್ ಮಂಡ್ಯ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ವಿ.ಜೆ.ಶೋಭರಾಣಿ, ಡಿವೈಎಸ್ಪಿ ಯಶವಂತ್ ಕುಮಾರ್, ಸರ್ಕಲ್ ಇನ್ಸ್ಪೆಕ್ಟರ್ ಬಿ.ಎಸ್.ಶ್ರೀಧರ್, ಪಿಎಸ್ಐ ಲೋಕೇಶ್ ಜಾಗೆಗ್ ಪೋದು ಸೋಮವಾರ ರಾತ್ರೆನೇ ಪರಿಶೀಲನೆ ಮಲ್ತ್ದೆರ್.
ಈ ಬಗೆಟ್ ಹಲಗೂರು ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.