Last updated on July 4th, 2026 at 09:27 am
ಹಾಸನ, ಜು 04: ಜಿಲ್ಲೆದ ಸಕಲೇಶಪುರ ಪೇಂಟೆಡ್, ಮಳಲಿ ಬೈಪಾಸ್ಡ್ ಹೇಮಾವತಿ ಸುದೆಕ್ ಲಾಗಿದ್ ಆತ್ಮಹತ್ಯೆ ಮಲ್ತೊನರೆ ತೂಯಿನಾಯನ್ ಅಗ್ನಿಶಾಮಕದಳ ಬೊಕ್ಕ ಪೊಲೀಸೆರೆ ಕಾರ್ಯಾಚರಣೆಡ್ ಕಾತಿನ ನಡಪು ನಡತ್ದ್ಂಡ್.
ಹಾಸನ ಮೂಲೊದ ಚಿರಂತ್ (38) ಆತ್ಮಹತ್ಯೆ ಮಲ್ತೊನರೆ ತೂತಿನ ಆಂಜೊವು. ಚಿರಂತ್ ರಾಷ್ಟ್ರೀಯ ಪೆರ್ಸಾದಿ 75ತ ಬಿಎಂ ಸಾದಿಡ್ ಮಳಲಿ ಬೈಪಾಸ್ಡ್ ಇಪ್ಪುನ ಹೇಮಾವತಿ ಸಂಕೊರ್ದು ಸುದೆಕ್ ಲಾಗಿದೆ. ಚಿರಂತ್ ಲಾಗಿನೆನ್ ತೂದು ಅಲ್ಪದಕುಲು ಪೊಲೀಸೆರೆಗ್ ಬೊಕ್ಕ ಅಗ್ನಿಶಾಮಕದಳೊಗು ತೆರಿಪಾದೆರ್.
ನೀರ್ ಕಮ್ಮಿ ಇತ್ತಿನೆರ್ದಾವರ ಚಿರಂತ್ ಪೊಯ್ಯೆದ ಮಿತ್ತ್ ಬೂರ್ದೆ. ಅಗ್ನಿಶಾಮಕದಳ ಬೊಕ್ಕ ಪೊಲೀಸೆರೆ ಸಮಯೋಚಿತ ಕಾರ್ಯಾಚರಣೆರ್ದಾವರ ಚಿರಂತ್ನ್ ರಕ್ಷಣೆ ಮಲ್ತ್ದೆರ್. ಆತಹತ್ಯೆಗ್ ಪತ್ತ ನೆವನ ದಾದ ಪನ್ದ್ ತೆರಿದ್ ಬೈದಿಜಿ. ಸಕಲೇಶಪುರ ನಗರ ಪೊಲೀಸ್ ಸ್ಟೇಶನ್ ಸೀಮೆಡ್ ನಡಪು ನಡತ್ದ್ಂಡ್.