Last updated on July 9th, 2026 at 10:07 am
ರಾಮಕುಂಜ, ಜು. 9: ಕುಡ್ಲಡ್ ಕೆಪಿಟಿ ದ ಕೈತಲ್ ನಡತಿನ ಆ್ಯಕ್ಸಿಡೆಂಟ್ಡ್ ಕಡಬ ತಾಲೂಕ್ದ ಕೊೖಲ ಗ್ರಾಮೊದ ಪುತ್ಯೆ ನಿವಾಸಿ ಪರಮೇಶ್ವರ ಗೌಡ್ರೆನ ಮಗೆ, ಸಿಐಎಸ್ಎಫ್ ಯೋಧೆ ಸೀತಾರಾಮ ಗೌಡೆ(50ವ.) ಮೇರ್ ತೀರ್ದಿನ ನಡಪು ಜು.8 ದಾನಿ ಬಯ್ಯಡ್ ನಡತ್ದ್ಂಡ್.
ಸೀತಾರಾಮ ಗೌಡ್ರೆಗ್ ಸಿಐಎಸ್ಎಫ್ಡ್ ಜಮ್ಮುದ ಸೆಂಟ್ರಲ್ ಜೈಲ್ದ ಪೋಸ್ಟಿಂಗ್ ಇತ್ತ್ದ್, ಜು.3 ತಾನಿ ರಜೆಟ್ ಊರ್ಗ್ ಬತ್ತಿನಾರ್ ಕುಡ್ಲದ ಇಲ್ಲಡ್ ಇತ್ತೆರ್. ಜು.7 ತಾನಿ ಎಸ್ಐಆರ್ ಗ್ ದಾಕಲೆ ಕೊರ್ಯೆರ ಕೊೖಲದ ಇಲ್ಲಗ್ ಬತ್ತಿನಾರ್ ಜು.8 ದಾನಿ ಮಧ್ಯಾಹ್ನ ಕೊೖಲರ್ದ್ ಕುಡ್ಲಗ್ ಬೈಕ್ಡ್ ಪೋನಗ ರಾಷ್ಟ್ರೀಯ ಪೆರ್ಸಾದಿ 66ತ ಕೆಪಿಟಿ ಕೈತಲ್ದ ರೆಸಿಡೆನ್ಸಿಯಲ್ ಸ್ಟಾರ್ ಹೋಟೆಲ್ ದ ಕೈತಡೆ ಬಯ್ಯ 3.40 ದ ಅಂದಾಜಿಗ್ ಎತ್ತ್ನಗ ಆ್ಯಕ್ಸಿಡೆಂಟ್ ಆತ್ಂಡ್. ಗಾತಿದ ಗಡಿಕುಲಾದಿತ್ತಿನ ಸೀತಾರಾಮೆರೆನ್ ಕುಡ್ಲಥ ಎ.ಜೆ.ಆಸ್ಪತ್ರೆಗ್ ದಾಕಲ್ತ್ದಿತ್ತ್ದ್ ಅಲ್ಪ ಆರ್ ಮರ್ದ್ ಪಲಿಪಂದೆ ತೀರ್ದೆರ್.
ಮೇರ್ ಬೈಕ್ ತನ್ನಾತೆಗೆ ಸ್ಕಿಡ್ ಆದ್ ಬೂರ್ದೆರಾ ಅತ್ತ್ ಒವ್ವಾಂಡಲಾ ಗಡಿ ಎಡ್ತ್ದ್ ತೀರ್ದೆರಾ ಪನ್ಪಿ ಬಗೆಟ್ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್. ಆರೆನ ಬೊಡೆದಿ ರೋಹಿಣಿ ಮೇರ್ ಬರೆಪಾದಿನ ಒಯಿಲ್ದ ಪ್ರಕಾರ ಮೂಡಾಯಿ ಕುಡ್ಲ ಟ್ರಾಫಿಕ್ ಸ್ಟೇಷನ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.