Last updated on July 8th, 2026 at 04:00 pm
ಸೇಲಂ, ತಮಿಳ್ನಾಡ್, ಜು. 08: ವಿನಾಯಕ ಮಿಷನ್ಸ್ ರಿಸರ್ಚ್ ಫೌಂಡೇಶನ್ ಸಂಸ್ಥೆ ಜವನ್ದಿಯೆರೆ ಹೃದಯೊದ ಆರೋಗ್ಯದ ಬಗೆಟ್ ಮಲ್ದಿನ ವಿಶೇಷ ಸಂಶೋಧನೆಗಾದ್ ಡಾ. ಎಂ. ಹೇಮಲತಾ ಮೆರೆಗ್ ವೈದ್ಯಕೀಯ ಶರೀರಶಾಸ್ತ್ರಡ್ (ಮೆಡಿಕಲ್ ಫಿಸಿಯಾಲಜಿ) ಡಾಕ್ಟರ್ ಆಫ್ ಫಿಲಾಸಫಿ (ಪಿಎಚ್.ಡಿ) ಪದವಿನ್ ಕೊರ್ತುಂಡು.
ಡಾ. ಸುಗಂಧಿ ವಿ. ಮೆರೆನ ಮಾರ್ಗದರ್ಶನೊಡ್ ನಡತಿನ ಈ ಸಂಶೋಧನಾ ಪ್ರಬಂಧೊದ ಪುದರ್: “Effect of Menstrual Cycle on Cardiovascular Autonomic Milieu ascertained by daily heart rate variability recordings in young healthy females correlated with anthropometry, reaction times and hormonal profile.“
[ಆರೋಗ್ಯವಂತ ಜವನ್ದಿಯರ್ಲೆನ ಋತುಚಕ್ರ ಅಕಲೆನ ಹೃದಯ ಬೊಕ್ಕ ನರಮಂಡಲೊದ ಮಿತ್ತ್ ಪಾಡುನ ಪ್ರಭಾವೊಲೆನ ನಿಚ್ಚೊದ ಅಧ್ಯಯನ ಅಂಚೆನೇ ಸರ್ರೊದ ಅಲತೆ, ಪ್ರತಿಕ್ರಿಯೆದ ಪೊರ್ತು ಬೊಕ್ಕ ಹಾರ್ಮೋನ್ ಪ್ರೊಫೈಲ್ದ ಒಟ್ಟುಗು ಅವೆತ ಸಂಬಂಧ ]
ಸಂಶೋಧನೆದ ಮುಖ್ಯ ಉಪಯೋಗ
ಡಾ. ಹೇಮಲತಾ ಮೆರೆನ ಅಧ್ಯಯನ ಜವ್ವನೊದ ಬೊಕ್ಕ ಆರೋಗ್ಯವಂತ ಪೊಣ್ಣುಲೆನ ಹಾರ್ಮೋನ್ಲೆನ ಪಗತೆಗ್ ತಕ್ಕ ಅಕ್ಲೆನ ನರಮಂಡಲ ಎಂಚ ಒಂಬೊಂದು ಪೋಪುಂಡು ಪಂದ್ ಅರ್ಥ ಮಲ್ತೊನರೆ, ನಿಚ್ಚೊದ ತಿಗಲೆ ಆಕೊನುನ ವ್ಯತ್ಯಾಸೊನ್ (HRV) ತೂಪುಂಡು. ಈ ಹೃದಯೊದ ರೆಕಾರ್ಡಿಂಗ್ಲೆನ್ ಸರ್ರೊದ ಅಲತೆ, ಪ್ರತಿಕ್ರಿಯೆದ ಪೊರ್ತು ಬೊಕ್ಕ ಹಾರ್ಮೋನ್ಲೆನ ಒಟ್ಟುಗು ಲಿಂಕ್ ಮಲ್ಪುನೆಡ್ದ್, ಈ ಸಂಶೋಧನೆ ಜವನ್ದಿಯೆರ್ನ ಬೇತೆ ಬೇತೆ ಸೀಕ್ ಬೊಕ್ಕ ಹೃದ್ರೋಗ ಮರ್ದ್ಗ್ ನನಲಾತ್ ಸಕಾಯ ಮಲ್ಪುಂಡು.
ಮೆಡಿಕಲ್ ಫಿಸಿಯಾಲಜಿಡ್ ಎಂ.ಎಸ್ಸಿ ಪದವಿನ್ಲಾ ಮಲ್ದಿನ ಡಾ. ಹೇಮಲತಾ ಮೆರೆನ ಈ ಸಂಶೋಧನೆದ ಸಾದಿಡ್ ಬೆರಿತಾಂಗ್ ಆದ್ ಉಂತುದಿನ ಅರೆನ ಕಂಡನಿ ಡಾ. ಅಮುದ್ರಾಜ್ ಡಿ. ಮೆರೆಗ್ ಮೋಕೆಡ್ ಸೊಲ್ಮೆ ಸಂದಾಯೆರ್. ಈ ಮಲ್ಲ ಶೈಕ್ಷಣಿಕ ಸಾದಗೊ ಬೆನ್ರೆ ಸಕಾಯ ಮಲ್ತಿನ ಆರೆನ ಇಲ್ಲದಕುಲೆಗ್, ಕರಿದ್ ಪೋತಿನ ಆರೆನ ಅಮ್ಮೆರ್ ಕುಡ್ಲ ಮಾರಿಪಳ್ಳದ ಶ್ರೀ ಎಂ. ಭಾಸ್ಕರ ಮೆರೆನ್ ನೆನೆತೊಂದು, ಆರೆನ ಇಡೀ ಜೂವನೊಡ್ ಬೆರಿಬೊಟ್ಟೊಂದು ಬೈದಿನ ಅಪ್ಪೆ ಶ್ರೀಮತಿ ಗುಲಾಬಿ ಎ. ಮೆರೆಗ್ ಆರ್ ಸೊಲ್ಮೆಲೆನ್ ಸಂದಾಯೆರ್.