ಪುತ್ತೂರ್ ಕಾಂಗ್ರೆಸ್ ಮುಖಂಡೆರ್, ಭೂ ನ್ಯಾಯ ಮಂಡಳಿದ ಪದುಕೆರ್ ನಿರಂಜನ ರೈ ಹಾರ್ಟ್ ಅಟ್ಯಾಕ್‌‌ ಆದ್ ತೀರ್ಯೆರ್

Last updated on July 8th, 2026 at 02:55 pm

ಪುತ್ತೂರ್, ಜು. 08: ಭೂ ನ್ಯಾಯ ಮಂಡಳಿದ ಪದುಕೆರ್, ಕೋಡಿಂಬಾಡಿ ಮರ್ತೊಟ್ಟು ಮಹಿಷಮರ್ದಿನಿ ದೇಲಂತಡೆದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲು, ಪುತ್ತೂರು ಕಾಂಗ್ರೆಸ್ ಮುಖಂಡೆ, ಕೋಟಿ-ಚೆನ್ನಯ ಜೋಡುಕರೆ ಕಂಬುಲ ಸಮಿತಿದ ಪ್ರಧಾನ ಕಾರ್ಯದರ್ಶಿ ನಿರಂಜನ ರೈ ಮಠಂತಬೆಟ್ಟು ಮೇರ್ ಜು.8 ದಾನಿ ಹಾರ್ಟ್ ಅಟ್ಯಾಕ್‌‌ ಆದ್ ತೀರ್ಯೆರ್.

ಇನಿ ಪುತ್ತೂರು ಸಕಾಯಕ ಆಯುಕ್ತೆರೆ ಕಚೇರಿಗ್ ಬರೊಂದುಪ್ಪುನಗ ಒರರ್ದ್ ಒರಾನೆ ಆರ್ ಉಸಾರ್ ತತ್ತ್‌ದ್ ಕುಸ್ಕ್‌ದ್ ಬೂರ್ದೆರ್. ಅಪಗನೇ ಆರೆನ್ ಪುತ್ತೂರ್‌ದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್‌ದ್ ಮರ್ದ್ ಮಲ್ತ್ಂಡಲಾ, ಮರ್ದ್ ಪಲಿಪಂದೆ ಆರ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.

ನಿರಂಜನ ರೈ ಮೇರ್ ಕಂಬುಲದ ಸಂಪ್ರದಾಯ, ಗಿಡಪುನಕುಲು ಬೊಕ್ಕ ಎರ್ಲೆನ ಪೊಲಬುನು ಪರಿಣಾಮಕಾರಿಯಾದ್ ಪ್ರೇಕ್ಷಕೆರೆಗ್ ಎತ್ತಾವುನ ಆರೆನ ವಿಶಿಷ್ಟ ನಿರೂಪಣಾ ಶೈಲಿರ್ದ್ ಪುದರಾದಿತ್ತೆರ್.