ರಂಗಕರ್ಮಿ, ದೈಬಿತ್ತಿಲ್ ಶ್ರೀ ಸಾರಂತಾಯ ಗರೊಡಿ ಉಳ್ಳಾಯ ದೈವಸ್ಥಾನೊದ ಮಾಜಿ ಗುರ್ಕಾರ್ಲು ಪರಮಾನಂದ ವಿ. ಸಾಲ್ಯಾನ್ ತೀರ್ಯೆರ್

Last updated on July 13th, 2026 at 08:05 am

ದೈಬಿತ್ತಿಲ್, ಜು. 13: ರಂಗಕರ್ಮಿ, ಸಾಹಿತಿ, ಲೇಖಕೆ ಬೊಕ್ಕ ಪತ್ರಕರ್ತೆ ಪರಮಾನಂದ ವಿ. ಸಾಲ್ಯಾನ್ ಸಸಿಹಿತ್ಲು (65) ಮೇರ್ ಜು.13 ತಾನಿ ತೀರ್ಯೆರ್.

ದೈಬಿತ್ತಿಲ್ ಶ್ರೀ ಸಾರಂತಾಯ ಗರೋಡಿ ಉಳ್ಳಾಯ ದೈವಸ್ಥಾನೊದ ಮಾಜಿ ಅಧ್ಯಕ್ಷೆರಾದಿತ್ತೆರ್. ಜೀರ್ಣೋದ್ಧಾರ ಸಮಿತಿದ ಕಾರ್ಯಾಧ್ಯಕ್ಷೆ ಲಾ ಆದಿತ್ತೆರ್. ಪಾಕ ನಾಟಕೊಲೆನ ನಿರ್ದೇಶನ ಮಲ್ತಿತ್ತೆರ್. ದೈಬಿತ್ತಿಲ್ ಶ್ರೀ ಭಗವತೀ ದೇವಸ್ಥಾನೊದ ಸಮಿತಿಡ್ಲಾ ಸಕ್ರಿಯೆರಾದಿತ್ತೆರ್. ರಂಗಸುದರ್ಶನ ಸಸಿಹಿತ್ಲು ಇಂದೆತ ಸ್ಥಾಪಕಾಧ್ಯಕ್ಷೆಲಾ ಆದಿತ್ತೆರ್. ಅಜೇಯ ಮಾಸ ಪತ್ರಿಕೆದ ಸಂಪಾದಕೆರಾದಿತ್ತೆರ್. ಮುಂಗಾರು, ಹೊಸದಿಗಂತ ಸೇರ್ದ್ ಪಾಕ ಪತ್ರಿಕೆಲೆಡ್ಲಾ ಬೇಲೆ ಮಲ್ತ್‌ದೆರ್. ಈತೇ ಅತ್ತಂದೆ ಮುಂಬಯಿದ ಅಂಚೆನೇ ಬೇತೆ ಬೇತೆ ಸಂಘ- ಸಂಸ್ಥೆಲೆನ ಒಟ್ಟುಗು ಬೆನೊಂದಿತ್ತೆರ್. ಮೆರೆನ ಅಂತಿಮ ದರ್ಶನ ಜು.13 ತಾನಿ ಬಯ್ಯ 4 ಗಂಟೆಗ್ ದೈಬಿತ್ತಿಲ್‌ದ ಆರೆನ ಇಲ್ಲಡ್ ನಡಪುಂಡು.

ಮೇರ್ ಬೊಡೆದಿ ಬೊಕ್ಕ ಮಗನ್ ಅಗತ್‌ದೆರ್.