Last updated on July 19th, 2026 at 09:36 am
ಕಾರ್ಲ: ಪೆರ್ವಾಜೆ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನೊದ ಬ್ಯಾಂಕ್ ಅಕೌಂಟ್ಗ್ ಸಂಬಂಧಿತಿನ ಚೆಕ್ಲೆಡ್ ಫೋರ್ಜರಿ ಸೈನ್ ಮಲ್ತ್ದ್ ಕಾಸ್ ಗೆತೊನ್ರ ತೂತಿನ ಆರೋಪಡ್ ದೇವಸ್ಥಾನೊದ ಮಾಜಿ ಡಾಟಾ ಎಂಟ್ರಿ ಆಪರೇಟರ್ನ್ ಕಾರ್ಲ ನಗರ ಪೊಲೀಸೆರ್ ಕೈದ್ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್.
ಆರೋಪಿ ಅಕ್ಷಯ ದೇವಾಡಿಗೆ (29), ಎಣ್ಣೆಹೊಳೆ ಮರ್ಣೆ ಗ್ರಾಮೊದ ಹಂಚಿಕಟ್ಟೆ ಕಮಲ ನಿವಾಸೊದ ನಿವಾಸಿಯಾದಿತ್ತ್ದ್, 2022 ತ ಡಿ. 1 ರ್ದ್ 2026 ಮೇ 7 ಮುಟ್ಟ ದೇವಸ್ಥಾನೊಡು ಡಾಟಾ ಎಂಟ್ರಿ ಆಪರೇಟರ್ ಆದ್ ಬೇಲೆ ಮಲ್ತೊಂದಿತ್ತೆ. ಧಾರ್ಮಿಕ ದತ್ತಿ ಇಲಾಖೆ ಲೆಕ್ಕ ಪರಿಶೋಧನೆದ ಪೊರ್ತುಡು ಕರ್ತವ್ಯ ಲೋಪ ಬೊಕ್ಕ ಕಾಸ್ಡ್ ಅಕ್ರಮ ಆತಿನವು ಬೊಲ್ಪುಗು ಬೈದ್ಂಡ್. ಈ ಬಗೆಟ್ ವಿವರಣೆ ಕೇನ್ನಗ ಒವ್ವೇ ಉತ್ತರ ಕೊರಂದೆ ಮೇ 7 ತಾನಿ ರಾಜೀನಾಮೆ ಕೊರ್ದು ಬೇಲೆಗ್ ರಜೆ ಪಾಡ್ದೆ ಪನ್ದ್ ಒಯಿಲ್ಡ್ ಬರೆಪಾದೆರ್.
ಜೂ. 24 ತಾನಿ ಕಾಸ್ ದೆಪ್ಪೆರೆ ಬತ್ತಿತ್ತಿನ ದೇವಸ್ಥಾನೊದ ಇಂಡಿಯನ್ ಓವರ್ಸೀಸ್ ಬ್ಯಾಂಕ್ದ ಅಕೌಂಟ್ಗ್ ಸಂಬಂಧಿತಿನ ಸಂಬಂಧಿಸಿದ ಆಜಿ ಚೆಕ್ಲೆನ್ ತೂನಗ ಬ್ಯಾಂಕ್ ಅಧಿಕಾರಿಲೆಗ್ ಅನುಮಾನ ಬತ್ತಿತ್ತ್ಂಡ್. ವಿಚಾರಣೆ ಮಲ್ಪುನಗ ಸಮ ಸದು ತಿಕ್ಕಂದಿನೆಕ್ ಕಾಸ್ ಕೊರ್ದಿಜ್ಜಂಡ್.
ಜಡ್ತೆಡ್ ದೇವಸ್ಥಾನ ಸಮಿತಿದ ಅಧ್ಯಕ್ಷೆರೆಗ್ ತೆರಿಯಂದಿಲೆಕ ಕಾಲಿ ಚೆಕ್ಲೆಗ್ ಫೋರ್ಜರಿ ಸೈನ್ ಮಲ್ತ್ದ್ ಕಾಸ್ ಪತ್ತಾವರೆ ತೂತಿನ ಆರೋಪ ಮಲ್ತ್ದೆರ್. ಈ ಬಗೆಟ್ ಕಾರ್ಲ ನಗರ ಪೊಲೀಸ್ ಸ್ಟೇಷನ್ಡ್ ಪ್ರಕರಣ ದಾಕಲಾತ್ಂಡ್. ಆರೋಪಿನ್ ಕೈದ್ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋತ ಪನ್ದ್ ಪೊಲೀಸ್ ಪ್ರಕಟನೆ ತೆರಿಪಾದ್ಂಡ್.