Last updated on October 28th, 2022 at 04:00 pm
ಕುಂದಾಪುರ: 13 ವರ್ಸೊದ ಪೊಣ್ಣುಬಾಲೆ ಇಲ್ಲಡ್ ಓದೊಂದುಪ್ಪುನಗ ಹೃದಯಾಘಾತೊಡು ತೀರ್ದಿನ ಘಟನೆ ತುಳುನಾಡ ಉಡುಪಿ ಜಿಲ್ಲೆದ ಕುಂದಾಪುರೊಡು ನಡತ್‌ದ್ಂಡ್.
ತಲ್ಲೂರ್ ಅರುಣ್ ಬೊಕ್ಕ ಭಾರತಿ ದಂಪತಿಲೆನ ಮಗಲ್ ಅನುಶ್ರೀ ತೀರ್ದಿನ ಬಾಲೆ. ಇಲ್ಲಡ್ ಓದೊಂದಿತ್ತಿನ ಪೊರ್ತು ಅನುಶ್ರೀ ಒರಾನೆ ಕುಸ್ಕ್‌ದ್ ಬೂರ್ದ್ ಮತಿ ಕಡಿಯೊಂದೆರ್. ಅಪಗನೇ ಆರೆನ್ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಪೋಪಿ ಸಾದಿಡೇ ಉಸುಲು ಬುಡ್ಯೆರ್. ಮೇರ್ 8 ನೇ ಕ್ಲಾಸ್‌ಡ್ ಓದೊಂದಿತ್ತೆರ್.
ಅನುಶ್ರೀನ ಅಮ್ಮೆರ್ ಅಕ್ಷರ ದಾಸೋಹ ಯೋಜನೆದ ಒತ್ತುನಿರ್ದೇಶಕೆರಾದುಲ್ಲೆರ್. ಅಪ್ಪೆ ಹಕ್ಲಾಡಿ ಪ್ರೌಢಶಾಲೆಡ್ ಕಲ್ಪಾದಿಯಾದುಲ್ಲೆರ್.
ಮಣಿಪಾಲ ಆಸ್ಪತ್ರೆಡ್ ಅನುಶ್ರೀನ ಮರಣೋತ್ತರ ಪರೀಕ್ಷೆ ನಡತ್ಂಡ್.