Last updated on July 24th, 2026 at 12:28 pm
ಪುತ್ತೂರ್, ಜುಲೈ 24: ಪೊಸತಾದ್ ಮಲ್ದಿನ ಕಾಂಕ್ರೀಟ್ ಸಾದಿದ ಅರುಕು ಮಣ್ಣ್ ಪಾಡಂದಿನೆರ್ದಾವರ, ಟಾಟಾ ಏಸ್ ಗಾಡಿದ ಟಯರ್ ಗುಂಡಿಗ್ ಬೂರ್ದು, ಗಾಡಿ ಕಬ್ಬೆ ಬೂರ್ದಿನ ನಡಪು ಸೇಡಿಯಾಪು ಕೈತಲ್ದ ಕಾಪು ಪನ್ಪಿನಲ್ಪ ಜುಲೈ 23 ತಾನಿ ನಡತ್ದ್ಂಡ್. ಈ ನಡಪುಡು 11 ವರ್ಸ ಪ್ರಾಯೊದ ಆಣಗ್ ಗಡಿಕುಲಾತ.
ಕೊೖಲದ ಸನ್ಯಾಸಿಗುಡ್ಡೆ ನಿವಾಸಿ ಅಬ್ದುಲ್ ಮಜೀದ್ ಪನ್ಪಿನಾರ್ ಆರೆನ ಟಾಟಾ ಏಸ್ ಗಾಡಿಡ್ ಉಬಾರ್ರ್ದ್ ಪುತ್ತೂರ್ ದಂಚಿ ಗಾಡಿ ಬುಡೊಂದು ಪೋವೊಂದುಪ್ಪುನಗ ಈ ನಡಪು ನಡತ್ದ್ಂಡ್. ಗಾಡಿಡ್ ಇತ್ತಿನ ಆರೆನ ಮಗೆ ಮಹಮ್ಮದ್ ಅಮೀನ್ (11) ಗ್ ಗಡಿಕುಲಾತ.
ಈ ಜಾಗೆಡ್ ಇಂಚಿಪ ಆತೇ ಪೊಸ ಕಾಂಕ್ರೀಟ್ ಸಾದಿ ಮಲ್ತ್ದೆರ್. ಆಂಡ ಸಾದಿದ ಅರುಕು ಮಣ್ಣ್ ಪಾಡಂದಿನೆರ್ದಾವರ ಅರುಟು ಗುಂಡಿ ಆತ್ಂಡ್. ಒಟ್ಟುಗು ಮುಲ್ಪ ಡಿವೈಡರ್ದ ಬೇಲೆಲಾ ಆತಿಜಿ. ಅಂಚಾದ್ ಡ್ರೈವರ್ನಕುಲು ಸ್ವಲ್ಪ ಒಂತೆ ಅಂಚಿಂಚಿ ತೂಯೆರ್ನ್ಡಲಾ ಗಾಡಿಲು ಸಾದಿರ್ದ್ ಜತ್ತ್ದ್ ಅಪಘಾತ ಆಪುನ ಪೋಡಿಗೆ ಉಂಡು. ನಡಪುಗು ಸಂಬಂಧಿತ್ದ್ ಪುತ್ತೂರ್ ಸಂಚಾರಿ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಜಡ್ತೆ ನಡತೊಂದುಂಡು.