Last updated on July 27th, 2026 at 03:04 pm
ಕುಡ್ಲ, ಜು. 27: ಪ್ರೈವೇಟ್ ಎಕ್ಸ್ಪ್ರೆಸ್ ಬಸ್ ಒಂಜಿ ಕುಡ್ಲ-ಬೆದ್ರ ರಾಷ್ಟ್ರೀಯ ಪೆರ್ಸಾದಿ 169ದ ಸೂರಲ್ಪಾಡಿ ಕೈತಲ್ ಕಟ್ಟೊಂದುಪ್ಪುನ ಟೋಲ್ ಪ್ಲಾಜಾ ದ ಸಾದಿ ಬರಿತ ಸಿಮೆಂಟ್ ಡಿವೈಡರ್ಗ್ ಎಡ್ತ್ದ್, 35 ಜನ ಪ್ರಯಾಣಿಕೆರ್ ಪ್ರಾಣಾಪಾಯೊರ್ದು ಬಚಾವಾತೆರ್.
ಕಾರ್ಲರ್ದ್ ಕುಡ್ಲದಂಚಿ ಪೋವೊಂದಿತ್ತಿನ ಈ ಬಸ್, ಸೂರಲ್ಪಾಡಿ ದಲ್ಪ ಒರರ್ದ್ ಒರಾನೆ ಎಡತ್ತ್ ತಿರ್ಗಿನ ಟಿಪ್ಪರ್ ಲಾರಿಗ್ ಎಡ್ಪುನೆನ್ ತಪ್ಪಾಯೆರೆ ಡ್ರೈವರ್ನ್ ಬಸ್ನ್ ಬಲತ್ತ್ಗ್ ತಿರ್ಗಾದೆರ್ಗೆ. ಈ ಪೊರ್ತುಡು ಅಂಕೆ ತತ್ತ್ದ್ ಬಸ್ ಸಾದಿ ಬರಿತ ಸಿಮೆಂಟ್ ಬ್ಲಾಕ್ಗ್ ಎಡ್ತ್ದ್ಂಡ್.
ಎಡ್ತೆದ ಬರಸ್ಗ್ ಬಸ್ದ ಎದುರುಮೆಯಿ ಅಲಕ್ಕ ಞಕ್ಕೆ ಆತ್ಂಡ್. ನಡಪುಡು ಬಸ್ ಡ್ರೈವರ್ ಬೊಕ್ಕ ಒಂಜಿ ರಡ್ಡ್ ಜನಕ್ ಕಿಞ್ಞ ಕಿಞ್ಞ ಗಡಿಕುಲಾತ.
ಎಡ್ತೆದ ಒಲವು ತಿಕ್ಕಿನೇ ಕೈತಲ್ ಇತ್ತಿನಕುಲು ಅಪಗನೇ ಅಡೆಗ್ ಬತ್ತ್ದ್ ಗಡಿಕುಲಾತಿನಕಲೆಗ್ ಕಡೀರ ಮರ್ದ್ ಮಲ್ತ್ದ್ ಆಸ್ಪತ್ರೆಗ್ ದಾಕಲ್ತ್ದೆರ್. ಜಾಗೆಗ್ ಬಜ್ಪೆ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದ್, ಪ್ರಕರಣ ದಾಕಲ್ತೊಂದೆರ್.