Last updated on August 18th, 2026 at 12:30 pm
ಉಳ್ಳಾಲ, ಆ. 18: ಮೀನ್ ಪತ್ತೆರೆ ಪೋದಿತ್ತಿನ ಪೊರ್ತುಡು ನೇಲ್ಯ ಸಿರೆಕ್ ತಿಕ್ಕ್‌ದ್ ನಾಪತ್ತೆ ಆದಿತ್ತಿನ ಕುಂದಾಪುರ ಮೂಲೊದ ಮೀನ್‌ಗಾರೆ ಒರಿಯನ ಪುನ ಕುರಿನ ಸ್ಥಿತಿಟ್ ಕೋಡೆ ಸೋಮವಾರ ಕೋಟೆಪುರ ದಲ್ಪ ತಿಕ್ಕ್‌ದ್ಂಡ್.
ತೀರ್ದಿನಾರೆನ್ ನಾರಾಯಣೆ(31) ಪನ್ದ್ ಗುರ್ತ ಪತ್ತ್‌ದೆರ್.
ಕುಡ್ಲ ದಕ್ಕೆರ್ದ್ ‘ಓಷನ್ ಸ್ಟಾರ್’ ಪುದರ್‌ದ ಬೋಟ್‌ಡ್ ಆ. 9 ದಾನಿ ಮೀನ್ ಪತ್ತೆರೆ ಪೋದುಪ್ಪುನಗ ನೇಲ್ಯ ಸಿರೆ ಬತ್ತ್ ಆಕಿನೆರ್ದಾವರ ನಾರಾಯಣೆ ಕಡಲ್‌ಗ್ ಬೂರ್ದ್ ನಾಪತ್ತೆ ಆದಿತ್ತೆರ್. ಅವೆರ್ದ್ ಬೊಕ್ಕ ಬೋಟ್‌ದ ದನಿ ಬೊಕ್ಕ ಇಲ್ಲದಕುಲು ಕರಿನ ಎಣ್ಮ ದಿನೊರ್ದಿಂಚಿ ನಾರಾಯಣೆರೆಗ್ ಬೋಡಾದ್ ಬಾರೀ ನಾಡ್ದೆರ್. ಈ ಬಗೆಟ್ ಪಾಂಡೇಶ್ವರ ಪೊಲೀಸ್ ಸ್ಟೇಶನ್‌ಡ್ ನಾಪತ್ತೆ ಪ್ರಕರಣೊಲಾ ದಾಕಲಾದಿತ್ತ್ಂಡ್.
ಪುನೊತ ಮಹಜರ್ ಸೇರ್ದ್ ಮಾತಾ ಕಾನೂನ್ ಪ್ರಕ್ರಿಯೆಲೆನ್ ವೆನ್ಲಾಕ್ ಆಸ್ಪತ್ರೆಡ್ ಮಲ್ತೆರ್. ನಡಕೆಗ್ ಸಂಬಂಧಿತ್‌ದ್ ಉಳ್ಳಾಲ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.