“ದೈವೊಲೆನ ಪುದರ್ ಪಗಪುನ ನಮ್ಮ ಐಡೆಂಟಿಟಿನೇ ಪಗತಿಲೆಕ” – ಡಾ. ವಾಸುದೇವ ಬೆಳ್ಳೆ

Last updated on August 23rd, 2026 at 04:59 pm

ಮುಲ್ಕಿ, ಆ. 23: ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್‌ದ ತುಳುನಾಡ್ ಕಾನ್‌ಕ್ಲೇವ್ ಲೇಸ್‌ಡ್ ತುಳನಾಡ ನೆಲಮೂಲ ಸಂಸ್ಕೃತಿ- ಪರಂಪರೆದ ಸ್ಥಾನಪಲ್ಲಟೊಲು ಪನ್ಪಿನ ಇಸಯೊದ ಬಗೆಟ್ ಪಾತೆರೊಂದು ತುಳುನಾಡ ಸಂಸ್ಕೃತಿಡ್ ಆವೊಂದುಪ್ಪುನ ಸ್ಥಾನಪಲ್ಲಟೊಲೆನ ಬಗೆಟ್ ತೆರಿಪಾದ್ ಕೊರ್ಯೆರ್.

ದೈವೊಲೆನ ಪುದರ್ ಪಗಪುನ ನಮ್ಮ ಸಂಸ್ಕೃತಿದ ಮುದೆಲ್‌ಗೇ ಪಾಡುನ ಪೆಟ್ಟ್. ಒಂಜಿ ಪುದರ್ ಪಗತಿನೇ ಸಂಕೇತೊಲು ಪಗಪುವ, ಒಂಜೊಂಜೇ ಪಗತೊಂದು ಪೋದು ನಮ್ಮ ಐಡೆಂಟಿಟಿಯೇ ಪಗತ್ ಪೋಪುಂಡು ಪನ್ದ್ ಪನ್ಡೆರ್. ಪಂಜುರ್ಲಿ ನ್ ವರಾಹಮೂರ್ತಿ ದಾಯೆ ಪನೊಡು, ಕಲ್ಲುರ್ಟಿಗ್ ಪಾಷಾಣಮೂರ್ತಿ ದಾಯೆ ಪನೊಡು, ಇತ್ತಿನ ಪುದರ್‌ನೇ ಪನ್ಯೆರ ನಮಕ್ ದಾಯೆ ಬಂಙ ಪನ್ದ್ ಪ್ರಶ್ನೆ ಮಲ್ತೆರ್.