Last updated on August 25th, 2026 at 11:45 am
ಒಡಿಪು ಅಗಸ್ಟ್ 25: ಜಿಲ್ಲೆಡ್ ಕುಡೊಂಜಿ ಮರ್ಡರ್ ಪ್ರಕರಣ ದಾಕಲಾತ್ಂಡ್. ಮಲ್ಪೆ ಬಂದರ್ಡ್ ಬೋಟ್ ಒಂಜೆತ ಕ್ಯಾಬಿನ್ಡ್ ಕಾರ್ಮಿಕೆರಿರ್ವೆರೆ ಲಡಯಿ ಜೋರಾದ್, ಒರಿ ಕುಡೊರಿಯನ್ ಬೀಸತ್ತಿ ಪಾಡ್ದ್ ಕೆರ್ತಿನ ನಡಪು ಅಂಗಾರೆ (ಆಗಸ್ಟ್ 25) ನಡತ್ದ್ಂಡ್.
ಚಿಕ್ಕಮಗಳೂರು ಮೂಲೊದ ಅಭಿಷೇಕ್ ತೀರ್ದಿನಾರ್. ಕೆರ್ತಿನ ಆರೋಪಿ ಗೋವಿಂದೆ ಪನ್ಪಿನಾಯೆ ಅಪಗನೇ ಅಲ್ಪರ್ದ್ ಪದ್ರಾಡಾತೆ. ಬೋಟ್ದ ಕ್ಯಾಬಿನ್ದ ಉಲಯಿ ಇರ್ವೆರೆ ನಡುಟು ವಾ ನೆವನೊಗು ಲಡಯಿ ಆತ್ಂಡ್ ಪನ್ದ್ ತೆರಿದ್ ಬೈದಿಜಿ. ಈ ಬಗೆಟ್ ಮಲ್ಪೆ ಪೊಲೀಸ್ ಸ್ಟೇಷನ್ಡ್ ಪ್ರಕರಣ ದಾಕಲಾತ್ಂಡ್.
ಒಲವು ತಿಕ್ಕಿನೇ ಮಲ್ಪೆ ಪೊಲೀಸೆರ್ ಆರೋಪಿನ್ ಪತ್ಯೆರೆ ಕಾರ್ಯಾಚರಣೆ ಮಲ್ತ್ದೆರ್. ಆರೋಪಿ ಗೋವಿಂದೆ ಹೈದರಾಬಾದ್ ಅತ್ತ್ಂಡ ಮುಂಬೈ ದಂಚಿ ಪೋಯೆರೆ ಒಡಿಪು ರೈಲೆ ಉಂತಡೆದ ಮುಕೇನ ಪದ್ರಾಡಾಯೆರ ತೂತೆ. ಅಪಗನೇ ಪೊಲೀಸೆರ್ ಆಯನ್ ಉಲಕೈ ಮಲ್ತೊಂದೆರ್. ಗೋವಿಂದೆ ಸುಮಾರ್ 15 ವರ್ಸೊರ್ದಿಂಚಿ ಇಲ್ಲಗ್ ಪೋವಂದೆ ಮುಂಬೈ ಹೈದರಾಬಾದ್ ಬೊಕ್ಕ ಬೇತೆ ಕಡೆಟ್ ಬೇಲೆ ಮಲ್ತೊಂದಿತ್ತೆ ಪನ್ದ್ ತೆರಿದ್ ಬೈದ್ಂಡ್. ಆರೋಪಿನ್ ಪೊಲೀಸೆರ್ ಉಲಕೈ ಮಲ್ತ್ದ್ ವಿಚಾರಣೆ ಮಲ್ತಿತ್ತ್ದ್, ಕೆರ್ಯೆರೆ ಪತ್ತ ನೆವನ ನನ ತೆರಿದ್ ಬರೊಡಾತೆ.