Last updated on September 9th, 2026 at 06:18 pm
ಬೆಂಗಳೂರ್, ಸೆ. 09: ಪುಗಾರ್ತೆದ ತಮಿಳ್ ಕವಿ, ಲೇಖಕೆರಾಯಿನ ರಾ. ಮುತ್ತುನಾಗು ಬರೆತಿನ ‘ಸುಳುಂದಿ’ ಕಾದಂಬರಿನ್ ತೆಲುಗು ಭಾಷೆಗ್ ಅನುವಾದ ಮಲ್ತಿನ ಬೊಳ್ಳಿ ರಾಮಸ್ವಾಮಿ ರಘುಪತಿ ಮೆರೆನ ಕೃತಿಕ್ ದ್ರಾವಿಡ ಭಾಷಾ ಟ್ರಾನ್ಸ್ಲೇಟರ್ಸ್ ಅಸೋಸಿಯೇಶನ್ ಕೊರ್ಪುನ ಡಿಬಿಟಿಎ ಅನುವಾದ ಪ್ರಶಸ್ತಿ ತಿಕ್ಕ್ದ್ಂಡ್.
ಮೂಲ ಬರವುದ ತಿರ್ಲ್ ಪೊರ್ಲುನು, ಸಾಮಾಜಿಕ ಬೊಕ ಸಾಂಸ್ಕೃತಿಕ ಒರುನು ತೆಲುಗು ಓದುನಕ್ಲೆಗ್ ಎತ್ತಾವುನೆಟ್ ಲೇಖಕೆರ್ ಮಲ್ತಿನ ಬರವುದ ಬೆನ್ನಿನ್ ತೂದು ಈ ಕೃತಿನ್ ಪ್ರಶಸ್ತಿಗ್ ಅಜತ್ ದೆತ್ತ್ದೆರ್. ಸೆ.26 ತಾನಿ ಬೆಂಗಳೂರ್ದ ರವೀಂದ್ರ ಕಲಾಕ್ಷೇತ್ರೊದ ನಯನ ಸಭಾಂಗಣಡ್ ಡಿಬಿಟಿಎ ದ ಐನನೇ ವರ್ಷೋಚ್ಚಯ ಲೇಸ್ಡ್ ಈ ಪ್ರಶಸ್ತಿ ಪ್ರಧಾನ ಮನ್ಪೆರುಲ್ಲೆರ್. ಈ ಪ್ರಶಸ್ತಿಡ್ ರೂ. 11,111 ಪಣವುದ ಇನಾಮು ಬೊಕ ನೆಂಪುದ ಕಾಣಿಕೆ ಉಪ್ಪುಂಡು.