Last updated on September 12th, 2026 at 12:44 pm
ಬೋಲ್ತೇರ್, ಸೆ.12: ಪೆರ್ಮರಿನ್ ನಿಂಗ್ದಿತ್ತಿನ ಸುಮಾರ್ 12 ಫೀಟ್ ಉದ್ದೊದ ಕಾಳಿಂಗ ಸರ್ಪನ್ ಬೋಲ್ತೇರ್ ತಾಲೂಕ್ದ ತೆಂಕಕಾರಂದೂರ್ ಗ್ರಾಮೊದ ಕಡಿಂಗ ನಿವಾಸಿ ಹಿತೇಶ್ ಮೆರೆನ ತೋಟೊಡು ಸುರಕ್ಷಿತವಾದ್ ಪತ್ತ್ದ್, ಬೊಕ್ಕ ಕಾಡ್ಗ್ ಬುಡ್ಯೆರ್.
ಸೆಪ್ಟೆಂಬರ್ 11ತ ಶುಕ್ರವಾರ ಬಯ್ಯಡ್ ಈ ನಡಪು ನಡತ್ದ್ಂಡ್. ಹಿತೇಶ್ರೆನ ಇಲ್ಲದಕುಲು ತೋಟೊಡು ನೇಲ್ಯ ಗಾತ್ರದ ಕಾಳಿಂಗ ಸರ್ಪನ್ ತೂದು, ಅಪಗನೇ ಲಾಯಿಲದ ಉರಗ ರಕ್ಷಕೆ ಸ್ನೇಕ್ ಅಶೋಕ್ ಮೆರೆಗ್ ಒಲವು ಕೊರ್ತೆರ್. ಅಪಗನೇ ಬತ್ತಿನ ಅಶೋಕ್ ಪರಿಸ್ಥಿತಿನ್ ಲತ್ತ್ದ್, ಬೋಡಾಪಿನ ದುಂಬೆಚ್ಚರ್ಗೆದ ಒಟ್ಟುಗು ರಕ್ಷಣಾ ಕಾರ್ಯಾಚರಣೆ ಸುರು ಮಲ್ತೆರ್.
ರಕ್ಷಣಾ ಕಾರ್ಯಾಚರಣೆದ ಪೊರ್ತುಡು ಕಾಳಿಂಗ ಸರ್ಪೆ ಅವು ನಿಂಗ್ದಿತ್ತಿವ ಪೆರ್ಮರಿನ್ ಕಕ್ಕ್ದ್ಂಡ್. ಬೊಕ್ಕ ಕಾಳಿಂಗ ಸರ್ಪನ್ ದಾಲ ಆವಂದಿಲೆಕ ಪತ್ತ್ದ್ ಸುರಕ್ಷಿತವಾದ್, ಕಾಡ್ಗ್ ಬುಡ್ಯೆರ್.