Last updated on October 4th, 2026 at 09:02 am
ಪುತ್ತೂರು, ಅ.04: ಕೆದಿಲಡ್ ಕೋಡೆ ಸನಿಯಾರ ಬೇಲೆ ಮಲ್ತೊಂದಿತ್ತಿನ ಪೊರ್ತುಡು ಲೈನ್‌ಮ್ಯಾನ್ ಕರೆಂಟ್ ಶಾಕ್ ಆಕ್‌ದ್ ತೀರ್ದಿನ ನಡಪು ಕೋಡೆ ನಡತ್‌ದ್ಂಡ್.
ತೀರ್ದಿನಾರೆನ್ ಕೆಮ್ಮಾಯಿ ನಿವಾಸಿ ರವಿ ಗೌಡ ಪನ್ದ್ ಗುರ್ತ ಪತ್ತ್‌ದೆರ್. ಆರ್ ಕೆದಿಲ, ಪಾಟ್ರಕೋಡಿ, ಮಿತ್ತೂರು ಬೊಕ್ಕ ಗಡಿಯಾರ ಭಾಗೊಡು ಲೈನ್‌ಮ್ಯಾನ್ ಆದ್ ಬೇಲೆ ಮಲ್ತೊಂದಿತ್ತೆರ್. ಶನಿವಾರ ಬೇಲೆ ಮಲ್ತೊಂದುಪ್ಪುನಗ ರವಿ ಮೆರೆಗ್ ಕರೆಂಟ್ ಕೊಲ್ತ್‌ದ್ ಈ ದುರಂತ ನಡತ್‌ದ್ಂಡ್ ಪನ್ದ್ ವರದಿ ಆತ್ಂಡ್.
ಗ್ರಾಮೊಡು ರವಿ ಸೇವಾ ಮನೋಭಾವೊದ ಸ್ವಭಾವೊಗು ಪುದರಾದಿತ್ತೆರ್ ಅಂಚೆನೇ ನೆಟೆದಕುಲು ಕರೆಂಟ್ ಸಮಸ್ಯೆದ ಬಗೆಟ್ ಮಲ್ತಿನ ಫೋನ್ಗ್ ಮಾತಾ ರಪಕ್ಕ ಪ್ರತಿಕ್ರಿಯೆ ಕೊರೊಂದಿತ್ತೆರ್‌ಗೆ. ಸ್ಥಳೀಯ ಮೂಲೊಲೆನ ಪ್ರಕಾರ, ಆರ್ ಇಂಚೆನೇ ಕರೆಂಟ್‌ದ ಸಮಸ್ಯೆದ ಬಗೆಟ್ ಬತ್ತಿನ ಫೋನ್ಗ್ ಆ ಜಾಗೆಗ್ ಪೋದು ಸಮ ಮಲ್ತೊಂದಿತ್ತೆರ್. ಆರ್ ಅತ್ತಂದಿ ಪ್ರಾಯೊಡು ಅಗತಿನ ನೆಟೆದಕಲೆಗ್ ಆಘಾತ ಉಂಡು ಮಲ್ದ್ಂಡ್‌.