ಪುಗರ್ತೆದ ಮುಳಿಯ ಗೋಲ್ಡ್ ಅಂಡ್ ಡೈಮಂಡ್ಸ್‌ದ ದನಿ ಮುಳಿಯ ಶ್ಯಾಮ ಭಟ್ ತೀರ್ಯೆರ್

Last updated on October 4th, 2026 at 10:18 pm

ಪುತ್ತೂರ್, ಅ. 04: ಪುತ್ತೂರು ಸೇರ್ದ್ ಬೆಂಗಳೂರ್, ಮಡಿಕೇರಿ, ಗೋಣಿಕೊಪ್ಪ ಬೊಕ್ಕ ಬೋಲ್ತೇರ್‌ಡ್ ಪುಗರ್ತೆ ಪಡೆತಿನ ಮುಳಿಯ ಗೋಲ್ಡ್ ಅಂಡ್ ಡೈಮಂಡ್ಸ್ ಸಂಸ್ಥೆದ ದನಿ ಸರಾಫ್ ಮುಳಿಯ ಶ್ಯಾಮ ಭಟ್ (81ವ) ಮೇರ್ ಅ.4 ತಾನಿ ತೀರ್ಯೆರ್. ಪುತ್ತೂರ್‌ದ ಪಾಂಗ್ಲಾಯಿಡ್ ಇಪ್ಪುನ ‘ಶ್ಯಾಮಸುಲೋಚನಾ’ ನಿವಾಸೊಡು ಉಸಾರ್‌ದಾಂತೇ ಆರ್ ತೀರ್ದೆರ್.

ಪದ್ದೈ ಬಂಗಾರ್‌ದ ವೈವಾಟ್‌ದ ಕ್ಷೇತ್ರೊಡು ತನ್ನನೇ ಪುದರ್ ಮಲ್ದಿನ ಶ್ಯಾಮ ಭಟ್ ಮೇರ್ ಮುಳಿಯ ಗೋಲ್ಡ್ ಆಂಡ್ ಡೈಮಂಡ್ಸ್ ಸಂಸ್ಥೆದ ಬುಲೆಚ್ಚಿಲ್‌ದ ಪಿರವು ಇಪ್ಪುನ ಮಲ್ಲ ಪುದರ್. ಆರೆನ ಅಗಪುಗು ಇಲ್ಲದಕುಲು, ಸಂಬಂಧಿಕೆರ್, ದೋಸ್ತಿಯರ್ಲು ಬೊಕ್ಕ ಉದ್ಯಮ ಕ್ಷೇತ್ರೊದ ಗಣ್ಯೆರ್ ಸಂತಾಪ ತೂಪಾದೆರ್.

ಮೇರ್ ಮಗನಕುಲು ಕೇಶವ ಪ್ರಸಾದ್ ಮುಳಿಯ, ಕೃಷ್ಣನಾರಾಯಣ ಮುಳಿಯ, ಮಗಲ್ ವಿದ್ಯಾಸರಸ್ವತಿ, ಮರ್ಮಯೆ ಶ್ಯಾಮಸುಂದ‌ರ್, ಮರ್ಮಲರ್ಲು ಕೃಷ್ಣವೇಣಿಪ್ರಸಾದ್ ಮುಳಿಯ, ಅಶ್ವಿನಿಕೃಷ್ಣ ಮುಳಿಯ ಬೊಕ್ಕ ಪುಲ್ಲಿಯರ್ಲೆನ್ ಅಗತ್‌ದೆರ್.

ಅ.6ತಾನಿ ಸಾರ್ವಜನಿಕ ದರ್ಶನ
ಮೃತರ ಅಂತಿಮ ದರ್ಶನಗ್ ಅ.ತಾನಿ ಸಾರ್ವಜನಿಕ ದರ್ಶನೊಗು ಅವಕಾಶ ಮಲ್ತ್ ಕೊರ್ಪ ಪನ್ದ್ ಕೇಶವ ಪ್ರಸಾದ್ ಮುಳಿಯ ಬೊಕ್ಕ ಕೃಷ್ಣನಾರಾಯಣ ಮುಳಿಯ ತೆರಿಪಾದೆರ್.

pugarteda muḷiya gōlḍ aṁḍ ḍaimaṁḍsda dani muḷiya śyāma bhaṭ tīryer

puttūr, a. 04: puttūru sērd beṁgaḷūr, maḍikēri, gōṇikoppa bokka bōltērḍ pugarte paḍetina muḷiya gōlḍ aṁḍ ḍaimaṁḍs saṁstheda dani sarāph muḷiya śyāma bhaṭ (81) mēr a.4 tāni tīryer. puttūrda pāṁglāyiḍ ippuna ‘śyāmasulōcanā’ nivāsoḍu usārdāṁtē ār tīrder.

paddai baṁgārda vaivāṭda kṣētroḍu tannanē pudar maldina śyāma bhaṭ mēr muḷiya gōlḍ āṁḍ ḍaimaṁḍs saṁstheda buleccilda piravu ippuna malla pudar. ārena agapugu illadakulu, saṁbaṁdhiker, dōstiyarlu bokka udyama kṣētroda gaṇyer saṁtāpa tūpāder.

mēr maganakulu kēśava prasād muḷiya, kr̥ṣṇanārāyaṇa muḷiya, magal vidyāsarasvati, marmaye śyāmasuṁdar, marmalarlu kr̥ṣṇavēṇiprasād muḷiya, aśvinikr̥ṣṇa muḷiya bokka pulliyarlen agatder.

Oct. 6tāni sārvajanika darśana
mr̥tara aṁtima darśanag a.tāni sārvajanika darśanogu avakāśa malt korpa pand kēśava prasād muḷiya bokka kr̥ṣṇanārāyaṇa muḷiya teripāder.