ಉಬಾರ್: ಕುಮಾರಧಾರಾ ಸುದೆಕ್‌ ಲಾಗಿನ ಆಂಜೊವು ಪುನ ಆದ್‌ ತಿಕ್ಯೆರ್

Last updated on October 6th, 2026 at 12:38 pm

ಉಬಾರ್‌, ಅ. 06: ಮೂಜಿ ದಿನೊಕು ಪಿರವು ಉಬಾರ್‌ದ ಪರ ಕುಮಾರಧಾರಾ ಸಂಕೊದ ಕೈತಲ್ ಬೈಕ್ ಬೊಕ್ಕ ಮೊಬೈಲ್ ಬುಡ್ದು ನಾಪತ್ತೆ ಆದಿತ್ತಿನ ಆಂಜೊವುನ ಪುನ ಸೋಮವಾರ (ಅಕ್ಟೋಬರ್ 5) ನೇತ್ರಾವತಿ ಸುದೆತ ಬೊಲ್ಲಾರ್‌ಡ್‌ ತಿಕ್ಕ್‌ದ್‌ಂಡ್.

ತೀರ್ದಿನಾರೆನ್ ಹಿರೇಬಂಡಾಡಿ ಗ್ರಾಮೊದ ಪೆರಾಬೆ ನಿವಾಸಿ ಮಾಧವ ಗೌಡ (44) ಪನ್ದ್‌ ಗುರ್ತ ಪತ್ತ್‌ದೆರ್. ಆತೂರ್‌ಡ್ ಇಂಚಿಪ ಟೈರ್ ಪಂಕ್ಚರ್ ಅಂಗಡಿ ಸುರು ಮಲ್ತಿತ್ತಿನ ಆರ್, ಅಕ್ಟೋಬರ್ 2 ತಾನಿ ಅಂಗಡಿಗ್ ಪೋದು ಪಿರ ಬರಂದೆ ನಾಪತ್ತೆ ಆದಿತ್ತೆರ್. ಬೊಕ್ಕ ಸಂಕೊದ ಮಿತ್ತ್‌ ಆರೆನ ಬೈಕ್‌ ಬೊಕ್ಕ ಮೊಬೈಲ್ ತಿಕ್ಕಿನೆರ್ದಾವರ ಆರ್‌ ಸುದೆಕ್‌ ಲಾಗಿದುಪ್ಪೊಡು ಪನ್ಪಿ ಅನುಮಾನೊಡು ಸುದೆಟ್‌ ನಾಡುನ ಕಾರ್ಯಾಚರಣೆ ಸುರು ಮಲ್ತಿತ್ತೆರ್.

ಕರಿನ 14 ವರ್ಸೊರ್ದಿಂಚಿ ಖಿನ್ನತೆಡ್ ಇತ್ತ್‌ದ್‌ ಬೊಕ್ಕ ಪರ್ಪಿನ ಚಟ ಇತ್ತಿನ ಮಾಧವ ಗೌಡೆರ್, ದುಂಬು ಮರ್ದ್‌ ಮಲ್ತಿತ್ತ್‌ಂಡಲಾ ಇಂಚಿಪ ಕುಡ ಪರ್ಯೆರ ಸುರು ಮಲ್ತುದೆರ್‌ಗೆ. ಇಲ್ಲದಕುಲು ಬರೆಪಾದಿನ ಒಯಿಲ್‌ದ ಆಧಾರೊಡು ಉಬಾರ್ ಪೊಲೀಸ್ ‌ಸ್ಟೇಶನ್‌ಡ್ ಪ್ರಕರಣ ದಾಕಲಾತ್‌ಂಡ್.

Ubaar: Kumaaradhaara Sudek Laagina Aanjovu Puna Aad Tikkyer

Ubaar, A. 06: Mooji dinoku piravu Ubaar da para Kumaaradhaara sankoda kaital bike bokka mobile buddu naapatte adittina aanjoyuna puna Somavaara (October 5) Netravati sudeta bollaar d tikkdnd.

Teer dinaaren Hirebandadi graamoda Peraabe nivaasi Maadhava Gowda (44) pand gurt pattder. Aatoord inchipa tyre puncture angadi suru maltittina aar, October 2 taani angadig podu pir barande naapatt aaditter. Bokka sankoda mitt are na bikebokka mobile tikkinerdavara aar sudek laagiduppodu panpi anumaanodu sudet naaduna kaaryaachaarane suru maltitter.

Karina 14 varso rdinchi depression d ittd bokka parpina chata ittina Maadhava Gouder, dumbu mard maltittndala inchipa kuda paryer suru maltuder ge. Illadakulu barepaadina oyilda aadhaarodu Ubaar police station d prakarana daakalaatnd.