ಒಡಿಪು: ಪಣಂಬೂರು ಬೀಚ್‌‌ಡ್ ನಾಪತ್ತೆ ಆದಿತ್ತಿನ ಆಣನ ಪುನ ಪೆಜಮಾಡಿ ಕೋಡಿಡ್ ತಿಕ್ಕ್ಂಡ್

Last updated on October 7th, 2026 at 10:47 am

ಪೆಜಮಾಡಿ, ಅ.07: ಪಣಂಬೂರ್ ಬೀಚ್‌ಡ್ ಸಿರೆತ ಪೆಟ್ಟ್‌ಗ್ ತಿಕ್ಕ್‌ದ್ ಅಕ್ಟೋಬರ್ 4 ತಾನಿ ಕಡಲ್‌ಡ್ ನಾಪತ್ತೆ ಆದಿತ್ತಿನ ಶ್ರೇಯಸ್ ಎಸ್. ಕುಮಾರ್(14) ಪನ್ಪಿ ಆಣನ ಸರ್ರೊ ಅಂಗಾರೆ ಬಯ್ಯಡ್ ಪೆಜಮಾಡಿ ಕೋಡಿದ ಶಾಂಭವಿ ಸುದೆಬರಿಟ್ ತಿಕ್ಕ್‌ದ್ಂಡ್.

ಬೋಲ್ತೇರ್‌ದ ಕಸಬಾ ಗ್ರಾಮೊದ ರೆಂಕೆದ ಗುತ್ತು ನಿವಾಸಿ ಶ್ರೇಯಸ್, ಪಿಲಿನಲಿಕೆದ ತರಬೇತಿಗ್ ಆಯನ ದೋಸ್ತಿಯರ್ಲೆನ ಒಟ್ಟುಗು ಅಕ್ಟೋಬರ್ 4 ತಾನಿ ಕುಡ್ಲಗ್ ಬತ್ತಿತ್ತೆ. ಕ್ಲಾಸ್ ಆದ್ ಬೊಕ್ಕ, ಅಕುಲು ಮಾತ ಬಸ್ಸ್‌ಡ್ ಪಣಂಬೂರ್‌ಗ್ ಪೋತೆರ್. ಬಯ್ಯಡ್ ಕಡಲಕರೆಟ್ ಗೊಬ್ಬೊಂದುಪ್ಪುನಗ ಶ್ರೇಯಸ್ ಕಡಲ ಸಿರೆಕ್ ತಿಕ್ಕ್‌ದ್ ಮುರ್ಕ್‌ದ್ ನಾಪತ್ತೆ ಆತೆ.

ಆಂಡ, ಉಂದೆನ್ ತೂದು ಪೋಡಿನ ಆಯನ ದೋಸ್ತಿಯರ್ಲು ಅಪಗನೇ ಇಲ್ಲದಕಲೆಗ್ ವಿಷಯ ತೆರಿಪಾವಂದೆ, ಮನದಾನಿ ಕಾಂಡೆ ಅಲ್ಪ ನಡತಿನೆನ್ ಪನ್ತೆರ್. ಅಪಗನೇ ಪಣಂಬೂರ್ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ಬರೆಪಾದ್ ನಾಡುನ ಕಾರ್ಯಾಚರಣೆ ಸುರು ಮಲ್ತ್‌ದೆರ್.

ಶ್ರೇಯಸ್‌ನ ಅಮ್ಮೆರ್ ಶೇಷಪ್ಪ ಮೇರ್ ಪುನನ್ ಗುರ್ತ ಪತ್ತ್‌ದೆರ್. ಈ ಬಗೆಟ್ ಪಡುಬಿದ್ರಿ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.

Udupi: Panambur Beachd Naapatte Aayittina Aanana Puna Pejamaadi Kodid Tikknd

Pejamaadi, A. 07: Panambur Beach d sireta pettg tikkd October 4 taani kadald naapatte aayittina Shreyas S. Kumar (14) panpi aanana sarro Angaare Bayyad Pejamaadi Kodida Shaambhavi Sudebarit tikkdnd.

Boltherda Kasaba graamoda Renke da Guttu nivaasi Shreyas, pilinalikeda tarabetig aayana dostiyarlena ottugu October 4 taani Kudlag battitte. Class aad bokka, akulu maata bas d Panambur g poter. Bayyad kadala karet gobbondunaga Shreyas kadal sirek tikkd murkd naapatt aate.

Aanda, unden tuudu podina aayana dostiyarlu apagane illadakaleg vishaya teripaavande, manadaani kaande alpa nadatinen panter. Apagane Panambur Police Stationd oyil barepaad naaduna kaaryaacharan e suru maltder.

Shreyasna ammer Sheshappa mer punan gurta pattder. Ee baget Padubidri Police Station d prakaran daaklaatnd.