Last updated on November 3rd, 2022 at 05:55 pm
ಪಾಕಿಸ್ತಾನೊದ ದುಂಬುದ ಪ್ರಧಾನಿ ಇಮ್ರಾನ್ ಖಾನ್‌ರೆನ ಮಿತ್ತ್ ಶೂಟ್ ಮಲ್ತ್‌ದ್ ಆರೆನ್ ಕೆರ್ಯೆರ ತೂತೆರ್ ಪಂದ್ ಪಾಕಿಸ್ತಾನೊರ್ದ್ ವರದಿ ಆತ್ಂಡ್.
ಪಾಕಿಸ್ತಾನೊದ ಮೂಡಾಯಿ ಮೈಟ್ ಬೇಗೊಡು ಚುನಾವಣೆ ಮನ್ಪೊಡು ಪಂದ್ ನಡತೊಂದಿಪ್ಪುನ ಪೊರ್ಮ್ಬುದ ಮುತಾಲಿಕೆಡಿತ್ತಿನ ಇಮ್ರಾನ್ ಖಾನ್‌ರೆನ ಬೆರಿಕಾಪುದ ದಂಡ್‌ದ ಮಿತ್ತ್ ಏರೋ ಶೂಟ್ ಮಲ್ದೆರ್. ಈ ಪೊರ್ತುಡು ಕಾರ್‌ಗ್ ಗುಂಡು ತಾಗ್‌ದ್ಂಡ್. ಕಾಲಿ ಕಾರ್‌ಗ್ ತಾಗಿನೆರ್ದಾವರ ಜೂವೊಗು ದಾಲ ಆತಿಜಿ ಪಂದ್ ತೆರಿದ್ ಬೈದ್ಂಡ್.
ಇಮ್ರಾನ್‌ರೆನ ಪಾಸಾಡಿ ಬೊಕ್ಕ ದುಂಬುದ ಒಲವು ಮಂತ್ರಿ ಫವಾದ್ ಚೌಧುರಿಡ ಈ ಬಗೆಟ್ ಕೇಂದಿನ ಪ್ರಶ್ನೆಗ್ ಆರ್ ಎದ್ರ್‌ಪಿರ ತೂದು ಉತ್ತರ ಕೊರ್ಯೆರ್.
ಯುನೈಟೆಡ್ ಕಿಂಗ್ಡಮ್‌ದ ಸ್ಕೈ ನ್ಯೂಸ್ ಮಾಧ್ಯಮ ಇಮ್ರಾನ್‌ರೆನ ಕಡೆತಕುಲು ಉಂದ್ ಆರೆನ್ ಕೆರ್ರ ಬೋಡಾದೆ ಆತಿನ ದಾಳಿ ಪಂದ್ ಪನೊಂದುಲ್ಲೆರ್ಂದ್ ಪ್ರಸಾರ ಮಲ್ದ್ಂಡ್.