ಭಾರತದ ಸುರುತ ಖಾಸಾಗಿ ಉದಿತಿನ ರಾಕೆಟ್ ಬಾನೊಗು ರಾಂಡ್

Last updated on November 18th, 2022 at 12:51 pm

ಭಾರತದನೇ ಕಂಪೆನಿಯಾಯಿನ ಸ್ಕೈರೂಟ್ ದಕುಲು ಮಲ್ತಿನ ರಾಕೆಟ್ನ್ ಇಸ್ರೋದಕುಲು ಇನಿ ಸುಕ್ರಾರ ಆಕಾಸೊಗು ಕಡಪುಡಿಯೆರ್. ಈ ರಾಕೆಟ್ ಗ್ ವಿಕ್ರಮ್ ಪನ್ದ್ ಪುದರ್ ದೀತ್ಂಡ್. ಭಾರತೊದ ಬಾಹ್ಯಾಕಾಶ ವಿಜ್ಞಾನದ ಬೆರ್ಮೆಯಾಯಿನ ವಿಕ್ರಮ್ ಸಾರಾಭಾಯಿನ ನೆಂಪುಗು ಈ ಪುದರ್ ದೀತೆರ್ ಪನ್ದ್ ತೆರಿದ್ ಬೈದ್ಂಡ್.

ಆಂಧ್ರದ ಶ್ರೀಹರಿಕೋಟಾಡ್ ಕಾಂಡೆ 11-30ಕ್ಕ್ ಈ ರಾಕೆಟ್ ಆಗಸೊಗು ರಟ್ಟ್ಂಡ್. ಉಂದು ಭಾರತದ ಇತಿಹಾಸೊಡು ಒಂಜಿ ಮಲ್ಲ ಮೈಲಿಗಲ್ಲ್ ಆಪುಂಡು. ಇದಮುಟ್ಟ ನಮ್ಮ ದೇಶೊಡು ಪುಟ್ಟಿನ ಪ್ರೈವೇಟ್ ಕಂಪೆನಿಲು ಆಕಾಶೊಗು ರಾಕೆಟ್ ಬುಡ್ಪಿನ ಪುನೆಪು ಬೈಜೆರ್, ಉಂದೇ ಸುರುತ. ಉಂದೆನ್ ತೂದು ಉಮೇದ್ ದೆತೊಂದು ನನಲಾತ್ ಕಂಪೆನಿಲು ದುಂಬು ಬರುವೆರ್. ಮೇಕ್ ಇನ್ ಇಂಡಿಯಾಗ್ ಉಂದೊಂಜಿ ಮಲ್ಲ ಬೆರಿಬಲ ಆಪುಂಡು.