Last updated on November 29th, 2022 at 07:30 am
ಪೊಸದೆಲ್ಲಿ: ಒವ್ವೇ ಒಂಜಿ ಧರ್ಮೊಗು ಒವ್ವೇ ಒಂಜಿ ವ್ಯಕ್ತಿನ್ ಮತಾಂತರ ಮನ್ಪುನವು ಧಾರ್ಮಿಕ ಸ್ವಾತಂತ್ರ್ಯ ಆತ್ತ್, ಅವ್ವು ಮೂಲಭೂತ ಹಕ್ಕ್‌ಲಾ ಅತ್ತ್ ಪಂದ್ ಕೇಂದ್ರ ಸರ್ಕಾರ ಸೋಮವಾರ ಪಂತ್ಂಡ್. ಕಾನೂನುದ ಗೀಟ್‌ರ್ದ್ ಪಿದಯಿ ಆಪಿನ ಮತಾಂತರೊಲೆನ್ ಉಂತಾವೊಡು ಪಂದ್ ಸರ್ಕಾರ ಕೋರ್ಟ್‌ಡ್ ಪಂತ್ಂಡ್.
ಪೊಂಜೋವುನಕ್ಲೆನ ಅಂಚೆನೇ ಸಾಮಾಜಿಕವಾದ್, ಆರ್ಥಿಕವಾದ್ ಪಿರನು ಒರಿದಿನಕ್ಲೆನ ಹಕ್ಕ್‌ಲೆನ್ ಕಾಪೆರ ಬೋಡಾದ್ ಮತಾಂತರ ತಡೆ ಕಾಯ್ದೆ ಬೋಡು ಪಂದ್ ಸರ್ಕಾರ ವಕೀಲೆ ಅಶ್ವಿನಿ ಕುಮಾರ್ ಉಪಾಧ್ಯಾಯೆರ್ ಸಂದಾಯಿನ ಅರ್ಜಿಗ್ ಸದು ಕೊರ್ನಗ ಪಂತ್ಂಡ್.
ಪೋಡ್ಯಾದ್, ಪನವುದ ಆಸೆ ತೋಜಾದ್ ಮನ್ಪುನ ಮತಾಂತರೊನು ಉಂತಾವೊಡು, ಇಂಚಿನ ಮತಾಂತರ ಸಂವಿಧಾನೊದ 14, 21, 25ನೇ ವಿಧಿಕ್‌ಳೆನ್ ಕಡಿತ್ ಪಾಡುಂಡುಂದ್ ಅರ್ಜಿದಾರೆರ್ ಪಂದಿತ್ತೆರ್. ನೆನ್ನ್ ದೆರ್ತ್ ಪತ್ತಿನ ಸುಪ್ರೀಂ ಕೋರ್ಟ್ ಸರ್ಕಾರಡ ಸದು ಕೊರ್ರ ಪಂದಿತ್ತ್ಂಡ್.