ಮತಾಂತರ ಆಯಿನಕುಲು ದುಂಬುದ ಜಾತಿ ಪತೊಂದು ಮೀಸಲಾತಿ ಕೇನುಲೆಕ್ಕ ಇಜ್ಜಿ : ಮದ್ರಾಸ್ ಹೈಕೋರ್ಟ್

Last updated on December 4th, 2022 at 10:01 am

ತನ್ನ ಮೂಲ ಧರ್ಮ-ಜಾತಿ ಬುಡ್ದ್ ಬೇತೆ ಧರ್ಮೊಗು ಮತಾಂತರ ಆಯಿನಕುಲು, ಮೂಲ ಜಾತಿಡ್ ತಿಕ್ಕೊಂದಿತ್ತಿನ ಮೀಸಲಾತಿಲೆನ್ ದೆತೊನುನ ಲೆಕ್ಕ ಇಜ್ಜಿ ಪನ್ದ್ ಮದ್ರಾಸ್ ಹೈಕೋರ್ಟ್ ಪನ್ಡ್. ಸರಕಾರ ಒಂಜಿ ವೇಳೆ ಮೀಸಲಾತಿ ಕೊರೊಲಿ ಪನ್ದ್ ನಿಯಮ ಮಲ್ತ್ಂಡ ಮಾತ್ರ ಅವೆಕ್ ಬಿಲೆ ಉಂಡು ಪನ್ದ್ ತೆರಿಪಾಂಡ್.

ಈ ವಿಷಯೊಡು ಅರ್ಜಿ ಪಾಡಿನ ಜನ ಹಿಂದೂ ಧರ್ಮೊರ್ದು ಮುಸ್ಲಿಂ ಧರ್ಮೊಗು 2008ಡು ಮತಾಂತರ ಆದಿತ್ತೆರ್. ಆಂಡ ತಮಿಳ್ ನಾಡ್ ದ ಸಿವಿಲ್ ಸರ್ವಿಸ್ ಪರೀಕ್ಷೆಡ್ ತನ್ಕ್ ಪಿರಒರಿದಿನ ವರ್ಗೊದ(ಮತಾಂತರ ಆವೊರ್ದುಂಬು ಪಿರಒರಿದಿನ ವರ್ಗದ ಹಿಂದೂ ಮೀಸಲಾತಿ ಇತ್ತ್ಂಡ್) ಮೀಸಲಾತಿ ಕೊರಂದೆ ಸಾಮಾನ್ಯ ವರ್ಗದ ಕೊರ್ತೊರ್ ಪನ್ದ್ ಅರ್ಜಿ ಪಾಡ್ದಿತ್ತೆರ್.

ಇಂಚಿನ ಒಂಜಿ ವಿಚಾರಣೆ ಸುಪ್ರೀಂ ಕೋರ್ಟುಡು ನಡಪುನೆರ್ದಾವರ, ಇತ್ತೆ ಸಿವಿಲ್ ಸರ್ವೀಸ್ ಪರೀಕ್ಷೆದಕಲೆನ ನಿರ್ಣಯೊಗು ಪಿರ ಪಾತೆರಿಯರೆ ಆಪುಜಿ ಪನ್ದ್ ಮದ್ರಾಸ್ ಹೈಕೋರ್ಟ್ ತೆರಿಪಾಂಡ್.