ಬೆಂಗಳೂರುಡು ಕನ್ನಡದ ಕೊಡಿನ್ ಪೊತ್ತಾಯಿನ ಟೆಕ್ಕಿ

Last updated on December 6th, 2022 at 12:17 pm

ಬೆಂಗಳೂರುದ ಎಚ್.ಎಸ್.ಆರ್ ಲೇಔಟ್ ಡ್ 30 ವರ್ಸದ ಸಾಪ್ಟ್ವೇರ್ ಇಂಜಿನಿಯರ್ ಒರಿ ಐತಾರ ಕನ್ನಡದ ಕೊಡಿ ಪೊತ್ತಾಯೆ.

ವಾರಣಾಸಿದ ಅಮೃತೇಶ್ ತಿವಾರಿ ಪನ್ಪಿನ ಪುದರ್ದಾಯನ್ ಪೋಲೀಸೆರ್ ಅರೆಸ್ಟ್ ಮಲ್ತ್ ಬೊಕ್ಕ ಬೇಲ್ ಡ್ ಬುಡಿಯೆರ್. ತಿವಾರಿ ಐಐಟಿ ದೆಲ್ಲಿಡ್ ಕಲ್ತ್ ಕರಿನ ರಡ್ಡ್ ತಿಂಗೊಲುರ್ದಿಂಚಿ ಬೆಂಗಳೂರುಡು ಬೇಲೆ ಮಲ್ತೊಂದಿತ್ತೆ ಪನ್ದ್ ತೆರಿದ್ ಬೈದ್ಂಡ್.

ನವೀನ್ ನರಸಿಂಹ ಪನ್ಪಿನಾರ್ ಕೊರಿನ ದೂರುದ ಪ್ರಕಾರ ಪೋಲೀಸೆರ್ ತಿವಾರಿನ್ ಪತ್ತಿಯೆರ್. ನವೀನೆರ್ ರಾತ್ರೆ ಪತ್ತ್ ಗಂಟೆಗ್ ತಿವಾರಿ ಕೊಡಿಕ್ ತೂ ಕೊರ್ಪಿನೆನ್ ತೂದು ಆಯನ ಕೈರ್ದ್ ಕೊಡಿ ಒಯ್ತ್, ತೂ ತೆಕ್ಕಾದ್ ಪೋಲೀಸೆರೆಗ್ ದೂರು ಕೊರಿಯೆರ್ಗೆ.