Last updated on December 7th, 2022 at 07:19 am
ಉತ್ತರ ಪ್ರದೇಶ: ಉತ್ತರ ಪ್ರದೇಶೊದ ಬರೇಲಿ ಜಿಲ್ಲೆಡ್ ಕೋರಿ-ಪುಚ್ಚೆದ ಇಸಯೊಡು ರಡ್ಡ್ ಇಲ್ಲದಕ್ಲೆಗ್ ಲಡಾಯಿ ಆದ್ ಎಫ್ಐಆರ್ ಆಪುನಡೆ ಮುಟ್ಟ ಎತ್ತ್‌ದ್ಂಡ್.
ಯಾನ್ ಸಾಂಕಿನ ಕೋರಿನ್ ನದೀಮ್ ಪನ್ಪಿನಾರೆನ ಪುಚ್ಚೆ ತಿಂತ್ಂಡ್ ಪಂದ್ ಫರೀದಾ ಪನ್ಪಿನಾರ್ ದೂರು ಪಾಡ್ದೆರ್. ಈತೆಟೆ ಬೆಚ್ಚ ಆತಿನ ನದೀಮ್‌ನ ಅಪ್ಪೆ ಇನ್ನಾ, ಪಲಿ-ಸಂಗಡಿಯೆರಾಯಿನ ಶಬ್ದಮ್, ಶಂಶುಲ್, ಶಾಬು ಬೊಕ್ಕ ಶಮಾ ಒಟ್ಟು ಸೇರ್ದ್ ಫರೀದಾಡ ಲಡಾಯಿಗ್ ಜತ್ತ್‌ದೆರ್. ಲಡಾಯಿ ಜೋರಾದ್ ಇತ್ತೆ ಬರೇಲಿ ಪೋಲೀಸ್ ಸ್ಟೇಷನ್‌‌ದ ಮೊಟ್ಟು ಬರ್ತ್‌ದ್ಂಡ್.
ಲಡಾಯಿದ ಪೊರ್ತು ಎನ್ನ ಬಂಗಾರ್‌ದ ಮಾಲೆ ಬೊಕ್ಕ ಉಂಗಿಲ ಕಲ್ವೆ ಆತ್ಂಡ್ ಪಂದ್ ಫರೀದಾ ದೂರು ಕೊರ್ತೆರ್. ಸದ್ಯೊಗು ಈ ಇಸಯೊಡು ಪೋಲೀಸ್‌ದಕುಲು ಆಜಿ ಜನೊತ ಮಿತ್ತ್ ಎಫ್ಐಆರ್ ಪಾಡ್ದೆರ್.