Last updated on December 7th, 2022 at 08:23 am
ಕಾಲೇಜ್ ವಿದ್ಯಾರ್ಥಿನಿ ಒರ್ತಿ ರೈಲ್ ಆಕ್‌ದ್ ಸೈದ್‌ಬೂರ್ದಿನ ಸ್ಥಿತಿಟ್ ತಿಕ್ಕ್‌ದಿನ ಘಟನೆ ಕಾಸ್ರೋಡ್‌ಡ್ ನಡತ್‌ದ್ಂಡ್.
ಸೈದಿನಾರೆನ್ ಚೌಕಿ ಕಾವುಗೋಳಿ ಕಡಪ್ಪುರದ ಸುರೇಂದ್ರನ್‌ರೆನ ಮಗಲ್ ಅಂಜನಾ.ಎಸ್(22) ಪಂದ್ ಗುರ್ತಪತ್ತ್‌ದೆರ್.
ಕುಡ್ಲದ ಸೈಂಟ್ ಅಲೋಶಿಯಸ್ ಕಾಲೇಜ್‌ಡ್ M Sc. ಬಯೋ ಕೆಮಿಸ್ಟ್ರಿ ಓದೊಂದಿತ್ತಿನ ಮೇರ್ ಸೋಮಾರ ವನಸ್ ಮಲ್ತ್ ಜೆತ್ತಿತ್ತೆರ್, ಆಂಡ ಕಾಂಡೆ ಇಲ್ಲದಕುಲು ಲಕ್ಕ್‌ದ್ ತೂನಗ ನಾಪತ್ತೆ ಆದಿತ್ತೆರ್.
ಸುತ್ತೊಲಾ ನಾಡ್ದಾನಗ ಲೈಲ್ ಪಟ್ಟಿಡ್ ಸೈದ್‌ಬೂರ್ದಿನ ಸ್ಥಿತಿಟ್ ತಿಕ್ಕ್‌ದೆರ್. ಅಲ್ಪನೇ ಬರಿಟ್ ಮೊಬೈಲ್ ಪೊಡಿಪೊಡಿ ಆತಿನ ಸ್ಥಿತಿಟ್ ಪತ್ತೆ ಆತ್ಂಡ್‌
ಕಾಸ್ರೋಡ್ ನಗರ ಪೊಲೀಸೆರ್ ಮಹಜರ್ ಮಲ್ತೆರ್. ಕಾಸ್ರೋಡ್ ಜನರಲ್ ಆಸ್ಪತ್ರೆಡ್ ಮರಣೋತ್ತರ ಪರೀಕ್ಷೆ ಮಲ್ತಿ ಬೊಕ್ಕ ಪುಣೊನು ಇಲ್ಲದಕ್ಲೆಗ್ ಬುಡ್ದ್‌ಕೊರ್ಯೆರ್.