Last updated on December 18th, 2022 at 08:39 pm
ಬಿಹಾರ: ಬಿಹಾರೊದ ಬೇಗುಸರಾಯ್‌ಡ್ ಗಂಡಕ್ ಸುದೆಟ್ 13 ಕೋಟಿ ರೂಪಾಯಿ ಕರ್ಚಿಡ್ ಕಟ್ಟ್‌ದಿನ 206 ಮೀಟರ್ ಉದ್ದೊದ ಸಂಕ ಲೋಕಾರ್ಪಣೆಗ್ ದುಂಬೇ ಪೊಲಿದ್ ಬೂರ್ದ್ಂಡ್.
ಡಿಸೆಂಬರ್ 15ಕೇ ಸಕಕೊಡು ಸಂದ್ ಬುಡ್ತಿನ ಇಸಯ ಗೊತ್ತಾದ್, ಬೋಡಾಪಿನ ಅಧಿಕಾರಿಗ್ ಈ ಇಸಯ ಮುಟ್ಟಾದಿತ್ತ್ಂಡ್. ಆಂಡ ರಿಪೇರಿ ಸುರು ಆಪಿನ ದುಂಬೇ ಐತಾರೊದಾನಿ ಈ ಸಂಕೊದ ಒಂಜಿ ಭಾಗ ಪೊಲಿದ್ ಬೂರ್ದ್ಂಡ್.
2016ಟ್ ಮುಖ್ಯಮಂತ್ರಿ ನಬಾರ್ಡ್ ಯೋಜನೆಡ್ ಈ ಸಂಕೊದ ಬೇಲೆ ಸುರು ಆದಿತ್ತ್ಂಡ್. 2017ಟ್ ಬೇಲೆ ಮುಗಿದ್‌ಲಾ ಇತ್ತ್ಂಡ್. ಆಂಡ ಲೋಕಾರ್ಪಣೆ ಆದಿಜ್ಜಂಡ್. ಇಂಚಿಪ್ಪೊಗು ಸಂಕೊದ ಮಿತ್ತ ಮೆಮಿಟ್ ಸಂದ್ ತೋಜಿದ್ ಬೈದ್ಂಡ್. ಇನಿ ಕಾಂಡೆ ಪೊಲಿದ್ ಬೂರ್ದ್ಂಡ್.