ಅಫಘಾನಿಸ್ಥಾನೊಡು ಪೊಣ್ಣುಲು ಕಾಲೇಜಿಗ್ ಪೋಪಿನ ಬ್ಯಾನ್

Last updated on December 21st, 2022 at 10:41 am

ಅಫಘಾನಿಸ್ಥಾನೊಡು ಆಳ್ವಿಕೆ ಮಲ್ತೊಂದಿಪ್ಪುನ ತಾಲಿಬಾನ್ ನನ ದುಂಬಗ್ ಪೊಣ್ಣುಲು ಯುನಿವರ್ಸಿಟಿಡ್ ಕಲ್ಪರೆ ಬಲ್ಲಿ ಪನ್ದ್ ಆದೇಶ ಕೊರ್ತುಂಡು. ಕರಿನ ವರ್ಷ ತಾಲಿಬಾನ್ ಅಧಿಕಾರೊಗು ಬತ್ತಿನೇ ದುಂಬುದಲೆಕ್ಕ ಮಲ್ಪಂದೆ ಎಡ್ಡೆಡ್ ಆಳ್ವಿಕೆ ಮಲ್ಪುವ ಪನ್ದ್ ಭರವಸೆ ಕೊರ್ದಿತ್ತ್ಂಡ್. ಆಂಡ ಕುಡ ಪೊಣ್ಣುಲೆನ್ ಶಿಕ್ಷಣೊರ್ದು ವಂಚಿತೆರಾದ್ ಮಲ್ತ್ ದುಂಬುದಲೆಕ್ಕನೇ ಮಾನವಹಕ್ಕುದ ಉಲ್ಲಂಘನೆ ಮಲ್ತೊಂದುಂಡು. 

ಸರಕಾರದ ಬೊಕ್ಕ ಖಾಸಾಗಿ ವಿಶ್ವವಿದ್ಯಾಲಯೊಲೆಗ್ ಓಲೆ ಬರೆಯಿನ ಅಫಫಾನಿಸ್ಥಾನೊದ ಶಿಕ್ಷಣ ಮಂತ್ರಿ ಮಹಮ್ಮದ್ ನದೀಮ್, ದುಂಬುದ ನೋಟೀಸ್ ಬನ್ನ ಮುಟ್ಟ ಪೊಣ್ಣುಲೆನ ಶಿಕ್ಷಣೊನು ಇತ್ತೆರ್ದ್ ಇತ್ತೆಗೇ ಉಂತಾವೊಡು ಪನ್ದ್ ಆದೇಶ ಕೊರಿಯೆ.

ಈ ಆದೇಶೊಗು ಅಂತರಾಷ್ಟ್ರೀಯ ಮಟ್ಟೊಡು ಬಾರೀ ವಿರೋಧ ಬರೊಂದುಂಡು. ತಾಲಿಬಾನ್ ಅಂತರಾಷ್ಟ್ರೀಯ ಸ್ಥರೊಟು ಪದುಕೆ ಆವೊಂಡಾಂಡ ಇಂಚಿನ ಮಾನವಹಕ್ಕು ಉಲ್ಲಂಘನೆ ಮಲ್ಪುನ ಸರಿ ಅತ್ತ್ ಅಮೇರಿಕ ಪನ್ಡ್. ವಿಶ್ವಸಂಸ್ಥೆಲ ಈ ವಿಷಯೊಡು ತನ್ನ ಅಸಮಾಧಾನ ಪಿದಯಿ ಪಾಡ್ಂಡ್.