Last updated on December 22nd, 2022 at 11:55 am
ಇಲ್ಲೊಕ್ಕೆಲ್ದಾನಿ ವಾಸ್ತು ಪೂಜೆದ ಪೊರ್ತು ಇಲ್ಲಡ್ ಕೆಲಸ ಮಲ್ಪುನಕಲೆನಲೆಕ್ಕ ನಾಟಕ ಮಲ್ತ್ ಕಲ್ವೆ ಮಲ್ತಿನಾಯೆ ಒರಿ ಆನಿಯೇ ರಾತ್ರೆ ಅಲ್ಪ ಬರಿತಿಲ್ಲಡ್ಲಾ ಕಲ್ವೆ ಮಲ್ತಿನ ನಡಕೆ ಕೋಟೆಕಾರ್ ದಲ್ಪ ನಡತ್ಂಡ್.
ಪೂಜೆದ ಪೊರ್ತು ಬರ್ಮುಡಾ ಪಾಡಿನಾಯೆ ಒರಿ ಮಾತೆರ್ನ ಎದುರೇ ಕೋಣೆಗ್ ನೂರಿನವು ಮೊಬೈಲ್ ಡ್ ರೆಕಾರ್ಡ್ ಆತ್ಂಡ್. ಕೋಣೆಡಿತ್ತಿನ ಬ್ಯಾಗ್ ಡ್ 15000ರೂ, ಮೊಬೈಲ್ ಚಾರ್ಜರ್ ಕಲ್ವೆ ಮಲ್ದೆ. ಕೋಟೆಕಾರ್ ಅಡ್ಕಬೈಲ್ ದ ಸ್ಮಿತಾ ದಾಮೋದರ್ ಮೊಕ್ಲೆನ ಇಲ್ಲೊಕ್ಕೆಲ್ಡ್ ಈ ನಡಕೆ ನಡತ್ಂಡ್.
ಆನಿಯೇ ರಾತ್ರೆ ಅಲ್ಪದ ಶಿವಸುಬ್ರಹ್ಮಣ್ಯ ಪ್ರಸಾದ್ ಭಟ್ ಪನ್ಪಿನರೆನ ಇಲ್ಲಗ್ ಪೊಗ್ಗಿನ ಕಲ್ವೆರ್ 11000ರೂ, 32 ಗ್ರಾಂ ಬಂಗಾರ್ ಸೇರ್ದ್ ಒಟ್ಟು ಒಂಜರೆ ಲಕ್ಷದಾತ್ ಮೌಲ್ಯದ ಸೊತ್ತು ಕಂಡಿಯೆರ್.
ಬರ್ಮುಡಾ ಪಾಡಿನಾಯನೊಟ್ಟುಗು ನನೊರಿ ಇತ್ತೆ, ಮೊಕುಲು ಇರ್ವೆರ್ ಬೈಕ್ ಡ್ ಬತ್ತಿನಿಗೆ. ಉಲ್ಲಾಲ ಪೋಲೀಸೆರ್ ಪ್ರಕರಣ ಪಾಡ್ದೆರ್.