ಕರ್ನಾಟಕ ಕೋವಿಡ್ : ಮುಚ್ಚಿ ಜಾಗೊಲೆಡ್ ಮಾಸ್ಕ್ ಪಾಡುನ ಕಡ್ಡಾಯ

Last updated on December 23rd, 2022 at 08:07 am

ಗುರುವಾರದಾನಿ ಕರ್ನಾಟಕೊಡು ನನ ದುಂಬುಗು ಮುಚ್ಚಿನ ಜಾಗೊಲೆಡ್ ಮಾಸ್ಕ್ ಪಾಡುನೊನ್ ಕಡ್ಡಾಯ ಮಲ್ಪೊಡು ಪನ್ಪಿನ ಪಾತೆರಕತೆ ಆಂಡ್.

ವೈದ್ಯಾಧಿಕಾರಿಲೆನ ಕಮಿಟಿದೊಟ್ಟುಗು ಆರೋಗ್ಯ ಮಂತ್ರಿ ಸುಧಾಕರ್ ಮೇರ್ ಕೋಡೆ ಮೀಟಿಂಗ್ ಮಲ್ತೆರ್. ಮೀಟಿಂಗ್ ಆದ್ ಪಾತೆರಿನ ಸುಧಾಕರ್ ಶಾಲೆ, ಕಾಲೇಜಿಲೆಡ್, ಥಿಯೇಟರ್ ಬೊಕ್ಕ ಬೇತೆ ಬೇಲೆ ಮಲ್ಪುನ ಜಾಗೊಲೆಡ್ ಕಡ್ಡಾಯವಾದ್ ಮಾಸ್ಕ್ ಪಾಡೊಡು ಪನ್ದ್ ಪಂಡೆರ್.

ಮಾತೆರ್ಲಾ ಬೂಸ್ಟಿಂಗ್ ವ್ಯಾಕ್ಸೀನ್ ದೆತೊನೊಡು. ನನ ದುಂಬುಗು ಮೂಜಿ ವಾರೊಡು ವ್ಯಾಕ್ಸೀನ್ ಮಸ್ತ್ ಕಡೆಕ್ ಎತ್ತುಂಡು. ವಿಮಾನೊಲೆನ ಉಂತಾನೊಲೆಡ್ ನನಲ ಮಾಸ್ ಸ್ಕ್ರೀನಿಂಗ್ ಮಲ್ಪುಜ. ಇತ್ತೆ ಕಾಲಿ 2% ಜನಕ್ ಮಲ್ಪುವ, ಮಾತೆರೆಗ್ಲಾ ಮಲ್ಪುನಾತ್ ಅಮಸರ ಇಜ್ಜಿ ಪನ್ದ್ ಪಂಡೆರ್.