Last updated on December 25th, 2022 at 07:29 am
ಕೊಪ್ಪಳ: ಇನ್‌ಸ್ಟಾಗ್ರಾಮ್‌ಡ್ ಗುರ್ತ ಆತಿನ ಮುಸ್ಲಿಂ ಆಣನ್ ಹಿಂದೂ ಪೊಣ್ಣೊರ್ತಿ ಮೋಕೆ ಮಲ್ತ್‌ದ್ ಮುಸ್ಲಿಂ ಕಟ್ಟ್‌ದ ಲೆಕ ಮದಿಮೆ ಆತಲ್.
ಹೈದರಾಬಾದ್ ಮೂಲೊದ ಶೇಖ್ ವಾಹಿದ್ ಬೊಕ್ಕ ಕೊಪ್ಪಳ ಜಿಲ್ಲೆ ಕುಷ್ಟಗಿ ಪೇಂಟೆದ ಇಂದಿರಾನಗರದ ಪೊಣ್ಣು ಮದಿಮೆ ಆತಿನ ಜೋಡಿಲು ಪಂದ್ ತೆರಿದ್‌ಬೈದ್ಂಡ್.
ಕರಿನ ಡಿಸೆಂಬರ್ 16 ಕ್ ಈ ಪೊಣ್ಣು ನಾಪತ್ತೆ ಆದಿತ್ತಲ್. ಪೊಣ್ಣನ ಅಮ್ಮೆರ್ ಮಗಲ್ ತೋಜೊಂದಿಜ್ಜೊಲು ಆತಲ್ ಪಂದ್ ಅವೇ ದಿನ ಬಯ್ಯಡ್ ಮುಟ್ಟದ ಪೋಲೀಸ್ ಸ್ಟೇಷನ್‌‌ಡ್ ಒಯಿಲ್ ಕೊರ್ದಿತ್ತೆರ್. ಒಯಿಲ್ ದ ಪ್ರಕಾರ ಪೊಸ ಜೋಡಿನ್ ಕುಷ್ಟಗಿ ಸ್ಟೇಷನ್‌ಗ್ ಲೆತೊಂದು ಬತ್ತ್‌ದ್ ವಿಚಾರಣೆ ಮಲ್ದೆರ್.
ಶೇಖ್ ವಾಹಿದ್ ಬೊಕ್ಕ ಪೊಣ್ಣು ಪ್ರಬುದ್ಧೆರಾದಿತ್ತ್‌ದ್, ಒರಿಯನೊರಿ ಒತ್ತೊಂದೆ ಮದಿಮೆ ಆತ ಪಂದ್ ಪೋಲೀಸೆರೆ ಎದುರು ಪಂತಿನೆರ್ದಾವರ ಅಪ್ಪೆಅಮ್ಮನ ಕೈ ಕಟ್ಟ್‌ದ್ ಪಾಡಿಲೆಕ್ಕ ಆತ್ಂಡ್.
ಇಡೀಕ ಲವ್ ಜಿಹಾದ್‌ದ ಆರೋಪ ಕೇಂದ್ ಬತ್ತಿನೇ, ಜೋಡಿನ್ ಬೇಗ ನಾಡ್ದ್ ಪತ್ತುನೆಟ್ ಪೋಲೀಸೆರ್ ಯಶಸ್ವಿ ಆತೆರ್.
ಯಾನ್ ಮನಃಪೂರ್ವಕವಾದ್ ಇಸ್ಲಾಂ ಧರ್ಮೊನು ಒತ್ತೊಂದು, ಮದಿಮೆ ಆತೆ ಪಂದ್ ಪೊಣ್ಣು ಪೋಲೀಸೆರೆಡ ಪಂತಲ್.