ಪಿಡ್ಕ್ ಪಾಡಿನ ದಿಂಜ ಆಂಡ ಬಾರ್ ಡೇ ಜೆಪ್ಪರೆ ವ್ಯವಸ್ಥೆ ಮಲ್ಪುಲೆ : ಪಿಡ್ಕ್ ಪ್ರಿಯೆರ್ನ ಪೊರುಂಬು ಸಂಘೊಡ ಬೇಡಿಕೆಲು ದಾದ?

Last updated on December 26th, 2022 at 07:39 am

ಗಂಗಸರ ಪರ್ಪಿನಕಲೆಗ್ ಸರಕಾರ ಸವಲತ್ತು ಕೊರೊಡು ಪನ್ದ್ ಕರ್ನಾಟಕ ಪರ್ಪಿನಕಲೆನ ಸಂಘದ ಗುರ್ಕಾರೆ ವೆಂಕಟೇಶೆರ್ ಒತ್ತಾಯ ಮಲ್ತೆರ್.

ಹಾಸನೊಡು ಪಾತೆರಿನ ಆರ್, ಗಂಗಸರ ಪರ್ಪಿನಕಲೆನ್ ಏರ್ಲಾ ಕುಡ್ಚೆಲೆ ಪನ್ದ್ ಪನರೆ ಬಲ್ಲಿ, ಮದ್ಯಪ್ರಿಯೆರ್ ಪನ್ದ್ ಪನೊಡು. ಗಂಗಸರ ಪರ್ಪಿನಕಲೆಗ್ ಸರಕಾರ ಒಂಜಿ ಲಕ್ಷ ಇನ್ಶೂರನ್ಸ್ ಕೊರೊಡು. ಪರ್ದ್ ಪರ್ದ್ ತೀರಿಯೆರ್ಡ ಅಕಲೆನ ಕುಟುಮೊಗು ಸರಕಾರ ಪನವುದ ಸಕಾಯ ಕೊರೊಡು. ಪರ್ದ್ ಜಾಸ್ತಿ ಆದ್ ಬಾರ್ ಡ್ ಜೆತ್ತ್ಂಡ ಅಕಲೆನ್ ಪಿದಯಿ ಕಡಪುಡ್ರೆ ಬಲ್ಲಿ. ಅಲ್ಪನೇ ಜೆಪ್ಪರೆ ವೈನ್ ಸ್ಟೋರ್ಲೆಡ್ ಬೆಡ್ ಪಾಡೊಡು.

ಸರಕಾರೊಗು ಎಂಕ್ಲೆರ್ದಾತ್ರನೇ 30% ಅನುದಾನ ಬರ್ಪಿನಿ. ಪರ್ದ್ ಇಲ್ಲಗ್ ಪೋದು ಲಡಯಿ ಮಲ್ತ್ಂಡ ಜೋಕುಲೆನ ಕಲ್ಪುಗು ಬಂಗ ಆಪುಂಡು ಅಂಚಾದ್ ಪರ್ಪಿನಕಲೆನ ಜೋಕುಲೆಗ್ 10% ಮೀಸಲಾತಿ ಹಾಸ್ಟೆಲ್ ಡ್ ಕೊರೊಡು. ಪರ್ದ್ ಪರ್ದ್ ಕಿಡ್ನಿ, ಲಿವರ್ ಗ್ ಪೆಟ್ಟ್ ಮಲ್ತೊನಿನಕಲೆಗ್ ಸರಕಾರ ಮರ್ದ್ ದ ಕರ್ಚಿ ತೂವೊಡು.

ಆಯಿನಾತ್ ಬೇಗ ಮದ್ಯಪಾನ ಪ್ರಿಯೆರ್ನ ಪೊರುಂಬಾಟ ಸಮಿತಿದ ಉದಿಪನ ಆಪುಂಡು ಪನ್ದ್ ತೆರಿಪಾಯೆರ್.