Last updated on December 26th, 2022 at 12:09 pm
ಒಡಿಪುದ ಕೊಲ್ಲೂರುದ ಮುಟ್ಟೊಡಿಪ್ಪುನ ಬಜಿಲ ಪಾದೆ (ಅವಲಕ್ಕಿ ಪಾರೆ) ಡ್ ಸುಮಾರ್ 12,000 ಸಾರ ವರ್ಸ ಪಿರಾಕ್‌ದ ನರಮಾನಿಲು ಬುಡ್ಪಾದಿನ ಪಾದೆ ಚಿತ್ರೊಲು(Rock Arts) ಉಲ್ಲ. ಶಿಲಾಯುಗೊತ ಜನೊಕುಲು ಬುಡ್ಪಾದಿನ ಈ ಚಿತ್ರೊಲೆಡ್ ಬೇತೆ ಬೇತೆ ಮುರ್ಗೊಲು, ಆ ಮುರ್ಗೊಲೆನ ಬೋಂಟೆ ಮಲ್ತೊಂದುಪ್ಪುನ ನರಮಾನಿಲು, ಆ ಜನೊಕ್ಲು ಪೂಜಿಪೆದೆರ್ ಪಂದ್ ಅಂದಾಜಿ ಮಲ್ದಿನ ಒಂಜಿ ಪೊಣ್ಣನ ಚಿತ್ರ ಮಾತ ಸೇರ್ದ್ 19 ಚಿತ್ರೊಲು ಉಲ್ಲ.
ಇನಿ ಬೊಕ್ಕ ಎಲ್ಲೆ ಈ ಜಾಗೆಡ್ ಮುಲ್ಕಿ ಸುಂದರ್‌ರಾಮ್ ಶೆಟ್ಟಿ ಕಾಲೇಜಿದ ಮುತಾಲಿಕೆಡ್ ಅಂತಾರಾಷ್ಟ್ರೀಯ ಪಾದೆ ಚಿತ್ರೊಲೆನ ಉಚ್ಚಯ (International Rock Art Festival) ನಡಪರೆಗುಂಡು.
ಈ ಕಜ್ಜೊಡು ಇಂಟರ್‌ನ್ಯಾಷನಲ್ ಆರ್ಟ್ಸ್ ಆ್ಯಂಡ್ ಕಲ್ಚರಲ್ ಫೌಂಡೇಶನ್ ಬೆಂಗ್ಳೂರ್, ಕುಡ್ಲ ಯೂನಿವರ್ಸಿಟಿದ ಹಿಸ್ಟರಿ ಟೀಚರ್ಸ್ ಎಸೋಸಿಯೇಷನ್(MANUSHA), ಪ್ರವಾಸೋದ್ಯಮ ಇಲಾಖೆ ಒಡಿಪು ಜಿಲ್ಲೆ, ಅರಣ್ಯ ಇಲಾಖೆ ಒಡಿಪು ಯುನಿಟ್, ಮುಲ್ಕಿ ಸುಂದರ್‌ರಾಮ್ ಶೆಟ್ಟಿ ಕಾಲೇಜಿದ ಎನ್.ಎಸ್.ಎಸ್ ಕೂಟ ಬೊಕ್ಕ ಇಡೂರು-ಕುಂಜಾಡಿ ಗ್ರಾಮ ಪಂಚಾಯತ್ ಬೆರಿಸಾಯ ಕೊರೊಂದುಲ್ಲೆರ್. ದೇಶ ವಿದೇಶೊದ ಮಲ್ಲ ಮಲ್ಲ ಪುರಾತತ್ವ ವಿಜ್ಞಾನಿಲು ಈ ಲೇಸ್‌ಡ್ ಪಾಲ್ ಪಡೆವರಗುಲ್ಲೆರ್.
