Last updated on December 26th, 2022 at 04:00 pm
ಕಾಟಿಪಳ್ಳದ ಜಲೀಲ್‌ನ್ ಕೆರ್ತಿನ ಪ್ರಕರಣೊಡು ಮೂಜಿ ಜನ ಆರೋಪಿಲೆನ್ ಅರೆಸ್ಟ್ ಮಲ್ದ ಪಂದ್ ಕುಡ್ಲ ಪೊಲೀಸ್ ಕಮಿಷನರ್ ಶಶಿಕುಮಾರ್ ತೆರಿಪಾಯೆರ್.
ಸದ್ಯೊಗು ಅಕಲೆನ್ ನ್ಯಾಯಂತಡೆಗ್ ಲೆತೊಂದು ಪೋತೆರ್. 14 ದಿನೊಕು ವಶೊಕು ದೆತೊಂದು ಎಚ್ಚಿನ ಜಡ್ತೆ ಮನ್ತೊಂದುಲ್ಲೆರ್. ಈ ಮೂಜಿ ಜನೊಟು ರಡ್ಡ್ ಜನ ಈ ಕೆರ್ಪಟಿಗೆಡ್ ನೇರವಾದ್ ಪಾಲ್‌ಪಡೆತೆರ್, ಕುಡೊರಿ ಈ ರಡ್ಡ್ ಜನೊನು ಬೈಕ್‌ಡ್ ಲೆತೊಂದು ಬತ್ತಿತ್ತೆ. ಮೊಕಲೆನ ಪುರಪು ಸಮ ತೆರಿಯಂದೆ ಆರೋಪಿಲೆನ ಒಲವು ಕೊರ್ಪುಜ. ಮೊಕಲೆನ್ ಕೋಡೆ ರಾತ್ರೆ ಅರೆಸ್ಟ್ ಮಲ್ದ. ವಿಚಾರಣೆ ನಡತೊಂದುಂಡು. ಕೆರ್ಯೆರ ಕಾರಣ ದಾದ ಪಂದ್ ಜಡ್ತೆ ಮುಗಿನೆನೇ ಪನ್ಪ ಪಂದ್ ಕಮಿಷನರ್ ಪಂಡೆರ್.