ಒಡಿಪು : ಸಾವುಡ್ಲಾ ಒಂಜಾಯಿನ ಕಂಡನೆ-ಬೊಡೆದಿ, ಪರಜೀವೊಲೆನ ಭಾವನಾತ್ಮಕ ಅಗಪು

Last updated on December 29th, 2022 at 08:10 am

ಒಟ್ಟುಗು ಬದ್ಕ್ ದ್, ಕಷ್ಟ ಸುಖ ತಿನೊಂದು ಕಡೆಕ್ ಸಾವುಡ್ಲಾ ಒಂಜಾಯಿನ ಭಾವನಾತ್ಮಕ ಘಟನೆ ಒಡಿಪು ಜಿಲ್ಲೆದ ಬೈಂದೂರು ಕೈತಲ್ದ ಉಪ್ಪಂದಡ್ ನಡತ್ಂಡ್. 1937 ಟ್ಟ್ ಪುಟ್ಟಿನ ಉಪ್ಪುಂದ ಗ್ರಾಮದ ಎಲ್ಯಬೆಸ್ಕೂರು ಇಲ್ಲದ ಮುಡೂರ ದೇವಾಡಿಗ ಮೆರೆಗ್ 85 ವರ್ಸ ಪಿರಯ ಆದಿತ್ತ್ಂಡ್. ಉಸಾರ್ ದಾಂತೆ ಐತಾರ ರಾತ್ರೆ ತನ್ನ ಬೊಡೆದಿನ ಇಲ್ಲಾಯಿನ ಬಿಜೂರುಡು ಮೇರ್ ತೀರಿಯೆರ್.

ಮೆರೆನ ಸಾವುದ ಸುದ್ದಿ ಕೇನ್ದ್ ಕುಟುಮ ಸಂಸಾರದಕುಲು ಬತ್ತ್ ದ್, ಕಡೆತ ಕಿರಮ ಮಲ್ಪೊರ್ದು ದುಂಬು ಬೊಡೆದಿ ಆಯಿನ ಕೃಷ್ಣಿ ದೇವಾಡಿಗ ಮೆರೆನ್ ಲೆಪುಡಾಯೆರ್. ಕಂಡನನ ಪುನತ ಎದುರು ಕುಲ್ದಿನ ಮೇರ್ ತೂಯಿ ತೂಯಿಲೆಕ್ಕನೇ ಕುಸ್ಕುದು ಬೂರಿಯೆರ್. ಕಂಡನನ ಪುನ ದೆಪ್ಪೊರ್ದು ದುಂಬೇ ಬೊಡೆದಿನಲಾ ಜೀವ ಪೋದಿತ್ತ್ಂಡ್. ಮೆರೆಗ್ 77 ವರ್ಸ ಪ್ರಾಯ ಆದಿತ್ತ್ಂಡ್. ಕಡೆಕ್ ಇರುವೆರೆನ್ಲಾ ಒಂಜೇ ಕಾಟೊಟು ಪೊತ್ತಾಯೆರ್ ಪನ್ದ್ ತೆರಿದ್ ಬೈದ್ಂಡ್.