Last updated on January 9th, 2023 at 06:45 pm
ಬೆದ್ರ ಪುರಸಭೆ ಕಾರ್ಯಾಲಯೊಡು ತುಳುಲಿಪಿ ಬೋರ್ಡು ಪಾಡುನ ಬಾರೀ ಸಮಯದ ಒಂಜಿ ಮಲ್ಲ ಒತ್ತಾಯ ಆದಿತ್ತ್ಂಡ್. ಸುಮಾರ್ 6 ತಿಂಗೊಲು ದುಂಬು ಪುರಸಭೆಟ್ ತುಳು ಲಿಪಿ ಬೋರ್ಡ್ ಪಾಡೊಡು ಪನ್ದ್ ಪುರಸಭೆತ ಗುರ್ಕಾರ್ಲಾಯಿನ ಪ್ರಸಾದ್ ಕುಮಾರ್ ಬೆದ್ರ ಮೆರೆಡ ಪ್ರಶಾಂತ್ ಬಿರ್ವ ಮೇರ್ ಅರಿಕೆ ಮಲ್ದಿತ್ತೆರ್. ಉಂದೆಕ್ ಉಮೇದ್ ಕೊರಿನ ಗುರ್ಕಾರ್ಲು ತುಳು ನಮ್ಮ ಅಪ್ಪೆ ಬಾಸೆ, ತುಳುತ ಬುಲೆಚ್ಚಿಲ್ ಮಲ್ಪರೆ ನಮ ಯಾಪಲಾ ಉಲ್ಲ ಪನ್ಪಿನ ಭರವಸೆ ಕೊರ್ದಿತ್ತೆರ್. ಈ ಭರವಸೆದ ಪ್ರಕಾರ ತುಳು ಲಿಪಿ ಬೋರ್ಡುನು ಬೆದ್ರ ಪುರಸಭೆತ ಕಾರ್ಯಾಲಯೊಡು ಪಾಡಿಯರೆ ಒಪ್ಪಿಗೆ ಕೊರಿಯೆರ್. ಪುರಸಭೆ ಗುರ್ಕಾರ್ಲಾಯಿನ ಪ್ರಸಾದೆರ್ ಬೊಕ್ಕ ಮಾತಾ ಪದುಕೆರ್ನ ಸಕಾಯೊಡು ಪ್ರಶಾಂತ್ ಬಿರ್ವ ಮೇರ್ ತುಳು ಲಿಪಿತ ಪಲವೆನ್ ಪಾಡಿಯೆರ್.